Jıyn barysynda úmitkerdiń saılaýaldy baǵdarlamasy tanystyrylyp, áleýmettik sala, bilim berý men bala tárbıesi jaıly ózekti suraqtar kóterildi.
«Balalar qaýipsizdigi basty nazarda bolýy kerek. Balalardyń jaǵdaıyn jasaý úshin kúndiz-túni jumys isteıtin ata-analar bar. Biraq olar kóp jaǵdaıda balalaryn qaldyryp ketetin jer taba almaı qınalady. Sondyqtan táýlik boıy jumys isteıtin balabaqshalar ashý kerek. Saılaýshylar tarapynan bul másele qoldaý tapty. Táýlik boıy jumys isteıtin balabaqshalardy memlekettik balabaqshalardyń negizinde ashyp, jumys ýaqytyn uzartý arqyly iske qosýǵa bolady. Bul sheshimniń birden-bir artyqshylyǵy – másele sheshimi úlken qarajat jumsaýdy qajet etpeıdi», dedi Q.Ábden.
Budan bólek, jıynda balalardyń boıyna ulttyq qundylyqtardy sińirý, otbasylyq tárbıe týraly sóz qozǵaldy. Úmitkerdiń aıtýynsha, atalǵan máseleler onyń saılaýaldy baǵdarlamasynda da kórinis tapqan.
Qaraqat Ábden elimizdiń 10-ǵa jýyq óńirinde saılaýaldy kezdesýlerin ótkizdi. Respýblıka boıynsha úmitkerdiń 20 shtaby, sondaı-aq eriktiler de belsendi jumys atqaryp jatyr. Saılaýshylar áleýmettik sala, bilim berý, zeınetkerlerdi qoldaý, qoljetimdi baspana sııaqty ózekti suraqtar boıynsha óz usynystaryn bildirýde.
