Jıyn №66 mekteptiń májilis zalynda ótti. Is-shara barysynda úmitker jınalǵan qaýymǵa óziniń saılaýaldy baǵdarlamasy jaıynda baıandap berdi. Aýdıtorııa aldynda sóz sóılegen N.Áýesbaev Qazaqstandaǵy basty másele adal bıznesti tunshyqtyratyn, ekonomıkanyń damýyna jol bermeıtin, halyqtyń ál-aýqatyna keri áser etetin jappaı sybaılas jemqorlyq ekenin atap ótti.
«Elde benefısıarlary qaıta óńdeý salalaryn damytýǵa múddeli emes korporatıvtik, olıgarhııalyq ekonomıka qalyptasty. Sonyń saldarynan jekelegen adamdar ǵana baıyp, mıllıondaǵan adam kedeıshilik jaǵdaıynda ómir súrip jatyr. Bul rette, egjeı-tegjeı tergeý júrgizip, urlanǵan jáne offshorlarǵa shyǵarylǵannyń bárin qazaqstandyqtarǵa qaıtarý qajet», dedi kandıdat.
Sonymen qatar Nurlan Áýesbaev táýelsizdiktiń alǵashqy kezeńinde, 90-jyldary kóptegen iri kásiporyndardyń kúlkili somaǵa jekeshelendirilgenin aıtty. Sondyqtan da ol óziniń saılaýaldy baǵdarlamasynda osyndaı kompanııalardyń aksııalaryn halyqqa ótkizý týraly máseleni qarastyrady. Buǵan IPO arqyly qol jetkizýge bolady. Úmitker aktıvterdi ulttyq ekonomıkanyń jańa negizine aınalýǵa tıis orta bıznes ókilderi arasynda bólý kerek dep esepteıdi.
Nurlan Áýesbaevtyń saılaýaldy baǵdarlamasynda saıası reformalar júrgizý qajettiligi týraly da aıtylady.
