Kandıdat ujymǵa óziniń saılaýaldy baǵdarlamasyn tanystyrdy. Jıynda respýblıkanyń naryqtyq qajettilikterine sáıkes eldegi joǵary jáne joǵary oqý ornynan keıingi bilim «eldiń zııatkerlik áleýetin qalyptastyra alatyndaı» jańǵyrtylýy qajet ekeni aıtyldy. Sondyqtan M.Qajyken óńirlik ýnıversıtetterge kóbirek kóńil bólý kerek ekenin, túrli ǵylymı zertteýler júrgizilý úshin ár bilim ordasy óziniń ǵylymı-tehnıkalyq bazasyn qurý kerek ekenin aıtty.
Kandıdat jalaqyny kóterý, áleýmettik tólemder jáne zeınet jasyn tómendetý sekildi taqyryptardy da qozǵady. Bul rette, bazalyq áleýmettik mólsherlemelerdi qaıta qaraý qajettigin naqtylady. «Azyq-túlik baǵasyn qaıta esepteý kerek. Kommýnaldyq qyzmetter, balalarǵa táttiler, kitap satyp alý, teatrǵa kem degende aıyna bir ret barý kerek. Biraq bul shyǵyndar eskerilmeıdi. Osylaı jumys berýshiler qyzmetkerlerdiń jalaqysyn esepteý kezinde eń tómengi jalaqynyń shaǵyn kórsetkishin shyǵarady. Ol úshin munaı resýrstaryna emes, kásipkerlikke baılanysty ekonomıka modelin ózgertý kerek», dedi Meıram Qajyken.
