Ár shabaqtyń ortasha salmaǵy 25 gramdy quraıdy. Alty aı ishinde jetilgen balyqtardyń sýyqta salmaǵy azaıǵanymen, qysty jaqsy ótkizedi.
«Balyq sharýashylyǵy ǵylymı-óndiristik ortalyǵy» JShS-nyń aýmaqtyq fılıaly Ulttyq park kólderine qandaı balyq túrin jiberýdi aıqyndaıdy.
«Biz ulttyq park aýmaǵyndaǵy sý aıdyndaryna balyq jiberýdi berilgen usynymdarǵa sáıkes turaqty negizde júrgizemiz. 2010-2019 jyldar aralyǵynda kólderge 477 myń tuqy shabaǵy men 19 mıllıonnan astam aq balyq tuymdas rıpýs pen pelıadtiń maıshabaqtaryn jiberdik. Keıin pandemııaǵa baılanysty jumys ýaqytsha toqtatylǵan-dy. Bıyl qaıta qolǵa alyp, parktegi eń úlken úsh kóldi tuqy balyǵymen toltyrdyq», dedi «Býrabaı» MUTP ınjener-ıhtıology Maksım Pak.
Tuqy - «Býrabaı» MUTP kólderiniń ıhtıofaýnasyna beıimdelgen baǵaly balyq túri. Ǵylymı qyzmetkerlerdiń pikirinshe, onyń kóbeıgeni kólderdiń ekojúıesine jaǵymdy áser etedi.
Balyqshylar tuqy aýlaýǵa erekshe qumar ekenin de aıta ketken jón. Aıdynǵa únemi shabaq jiberilip, balyq aýlaý barysyn únemi baqylaýda ustap otyrsa, kólderdiń bıosferasyna zııan kelmeıdi.
