Al álemde bul kórsetkish kerisinshe tómendegen. Mysaly, AQSh-ta avtokólik satylymy bir jylda 13%-ǵa, Shyǵys Eýropada 31%-ǵa azaıǵan.
LMC Automotive portalynyń málimetinshe, bıylǵy jyldyń úsh toqsanynda álemde jeńil kommersııalyq kólikterdiń satylymy 59,5 mıllıon dana bolǵan, bul - 2021 jylmen salystyrǵanda 2%-ǵa az. Naryqtyń birte-birte qalpyna kelýi kóbine jetekshi el Qytaıdaǵy jaǵdaıdyń jaqsarýyna baılanysty bolǵan, onda satylym 8,2%-ǵa ósip, 19,4 mln kólikti quraǵan.
Sondaı-aq basqa elderdegi jaǵdaıǵa kelsek, áli de pessımıstik kórsetkishte: mysaly, Ońtústik Koreıada ótken jylmen salystyrǵanda satý kólemi 6%-ǵa, Japonııada – 10,1%-ǵa, Batys Eýropada – 11,7%-ǵa jáne AQSh-ta – birden 12,9%-ǵa tómendegen.
Shyǵys Eýropada (Túrkııany qosa alǵanda) jańa jeńil avtokólikter men jeńil kommersııalyq kólikterdiń satylymy 30,5%-ǵa tómendedi.
Kórshiles Reseıdegi avtokólik dılerleri úshin jaǵdaı áli de turaqty emes. 2022 jyldyń qańtar-qyrkúıek aılarynda satylym bar bolǵany 506,7 myń jańa avtokólik pen jeńil kommersııalyq kólikti quraǵan. Bul byltyrǵymen salystyrǵanda 59,8% az.
Al Qazaqstanda jaǵdaı kerisinshe, satylym ótken jylmen salystyrǵanda 0,4%-ǵa ósken. Bıyl shamamen 87 myń avtokólikke deıin satylǵan. Bir qyzyǵy, jalpy álem boıynsha da 2022 jyly satýdyń ortasha ósimi 0,4% quraǵan.
