BAQ ókilderi «Memlekettik qyzmetkerlerdiń osynshama aqshany qaıdan alǵanyn Bas prokýratýra teksere me?» degen saýal qoıdy. Rasynda da, buǵan deıin Almaty oblysynyń prokýratýrasy 307 memlekettik qyzmetkerdiń oıynhanada 507 mıllıon teńge jumsaǵanyn habarlaǵan bolatyn.
«Árbir fakti boıynsha memlekettik qyzmetkerlerge tıisti memlekettik organdar tekserý júrgizedi. Sondaı-aq qyzmetkerler aqshany qaıdan alǵany týraly da anyqtaý jumystaryn júrgizedi. Tekserý qorytyndysy boıynsha eń qatal sharalar qabyldanady dep oılaımyn», dedi Áset Shyndalıev.
2022 jyldyń 19 qazanynda Almaty oblysyndaǵy qumar oıyndaryna memlekettik qyzmetkerler 507 mıllıon teńge jumsaǵany belgili boldy.
Qarashanyń 2-si kúni Ishki ister mınıstrliginiń basshysy onyń vedomstvosy sheneýnikterdiń oıynhanaǵa jumsaǵan aqshasynyń shyǵý tegin tekserip jatqanyn habarlady.
