Oblys ákimdiginiń kelisimi boıynsha óndirilgen qarajat Aqtóbe oblysy Muǵaljar aýdany Qumjarǵan aýylyndaǵy mektep qurylysyn aıaqtaýǵa baǵyttalady.
«Qumjarǵan aýylynda mektep 2019 jyldyń qańtar aıynda ashylyp, eski mektepte (1974 jyly salynǵan) oqyǵan 54 otbasynan shyqqan balalardyń máselesin sheshý josparlanǵan bolatyn. Alaıda merdiger kompanııanyń mindettemelerin oryndamaýyna jáne nemquraılylyq tanytýyna baılanysty mektep jumysy iske qosylmaǵan. Qazirgi ýaqytta nysanǵa jańa merdiger tartylyp, ony aıaqtaý úshin 150 mıllıon teńge bólinedi», delingen habarlamada.
Sondaı-aq ótelgen aqshalaı qarajattyń bir bóligi Aqtóbe qalasynyń aýmaǵynda elimizdegi eń iri workout alańdarynyń birin salý úshin paıdalanylady.
Sybaılas jemqorlyqqa qarsy qyzmet Memleket basshysy Qasym-Jomart Toqaevtyń jemqorlyq quqyq buzýshylyqtar boıynsha ótelgen aqshalaı qarajatqa mektep salý týraly tapsyrmasyn oryndaý boıynsha jumysty jalǵastyrýda.
