Eske salsaq, DCACC Ortalyq Azııadaǵy munaı óńdeý jáne munaı-hımııa sektorlaryna arnalǵan jalǵyz aımaqtyq is-shara bolyp tabylady. Konferensııa munaı óńdeý jáne munaı-hımııa salalarynda paıdaly jáne tıimdi iskerlik baılanystardy ornatýǵa jáne damytýǵa múddeli kompanııalar úshin platforma jáne kezdesý orny retinde qyzmet etedi.
Is-sharanyń resmı telekommýnıkasııalyq seriktesi retinde Hytera óńdeý jáne ótkizý sektoryn sıfrlyq transformasııalaý týraly óziniń saraptamalyq pikirimen bólisti. Sondaı-aq qatysýshylarǵa basqarý jáne dıspetcherleý, ıntellektýaldy monıtorıng, tehnıkalyq qyzmet kórsetý, qashyqtan basqarý, telesıgnalızasııa jáne t. b. sııaqty salalarda sıfrlyq tehnologııalar arqyly salanyń múmkindikterin keńeıtýge baǵyttalǵan munaı-gaz sheshimderiniń keshendi jelisin usyndy.
«Rentabeldilikti arttyrý men turaqty damýdy qamtamasyz etý úshin avtomattandyrýdy, derekterdi keńeıtilgen taldaýdy jáne modeldeýdi, sondaı-aq tartylǵan jumysshylardy biriktiretin biryńǵaı platformanyń bolýy — qaıta óńdeý jáne satý sektory úshin negizgi faktor bolyp tabylady», dedi konferensııada sóz alǵan Hytera kompanııasynyń aǵa satý ınjeneri Kırıll Osıpov.
«Álemdik munaı-gaz kásiporyndaryna qyzmet kórsetýde kóp jyldyq tájirıbesi bar kompanııa retinde biz baılanys pen yntymaqtastyq prosesterin jeńildetetin, personal men ártúrli múlikterdiń qaýipsizdigin qamtamasyz etetin, jumys tıimdiligin arttyrýǵa jáne shyǵyndardy azaıtýǵa yqpal etetin osyndaı biryńǵaı platformany usyna alatyn sanaýly kompanııalardyń biri ekenimizdi maqtan tutamyz», dep atap ótti Kırıll Osıpov.
Hytera kompanııasynyń álemdi qaýipsiz etýge jáne tıimdirek sheshimderdi usynýǵa baǵyttalǵan negizgi mıssııasyna sáıkes, tek munaı-gaz salasynda kompanııanyń ınnovasııalyq ónimderi men sheshimderi búkil álem boıynsha Saudi Aramco, CNPC, SNPC, Shell, Molycorp, Pemex jáne t.b. tutynýshylar arasynda úlken suranysqa ıe.
