Bul marapattyń qalamgerge Qonaev qalasynda berilip otyrǵany tegin emes. Oraz Qaýǵabaı uzaq jyldan beri memleket jáne qoǵam qaıratkeri Dinmuhamed Qonaevtyń ómir jolyn zerdeli zerttep, jurtshylyqqa biraz dúnıe usyndy. Sonyń ishinde qalamgerdiń «Tańǵajaıyp Qonaev» atty roman-essesin erekshe aıtýǵa bolady. Atalǵan týyndy 2008 jyly «Qazyǵurt» baspasynan jaryq kórdi. 2014 jyly oqyrmandar suranysymen qaıta basyldy.
Bul kitapta tuǵyrly tulǵanyń ata-anasy, balalyq shaǵy, qyzyqqa toly stýdenttik ómiri, qyzmet joly kórkem baıandalǵan. Sonymen birge qaıratkerdiń bylaıǵy jurtshylyq bile bermeıtin kisilik, qarapaıymdylyq, pa-rasattylyq qasıetteri de kórinis tapqan. Ásirese otyz bes taraýdan turatyn romandaǵy «Kemeńgerdiń kitaphanasy» atty bóliminde ardaqty azamattyń qasıetti Quran kita-
byn qalaı saqtaǵany týraly shynaıy syr shertedi.
Bıyl Dinmuhamed Qonaevtyń týǵanyna 110 jyl toldy. Osy aıtýly jyl aıasynda qaıratker ómirin zerttep júrgen qalamger eńbeginiń eskerilýi – el qurmetiniń belgisi.
