Qaraǵandydaǵy H.J.Maqajanov atyndaǵy kópsalaly aýrýhananyń dárigerleri Lenın atyndaǵy shahtadaǵy apat kezinde zardap shekken tórt kenshiniń jaǵdaıyna túsinikteme berdi. Ýly gazben ýlanǵan eki naýqas toksıkologııa bólimshesinde jatyr, taǵy ekeýi sanavıasııa kómegimen Shahtınsk qalasynan Qaraǵandy aýrýhanasyna jetkizildi. Naýqastarǵa ota jasaldy, sebebi olarda gazben ýlanýdan basqa bas jaraqattary da bar.
«Toksıkologııa bólimshesindegi pasıentterdiń jaǵdaıy turaqty, nasharlaýsyz. Keıbir oń dınamıka bar. Sanavıasııa jelisi boıynsha jetkizilgen jáne operasııa jasalǵan pasıentterdiń jaǵdaıyna keletin bolsaq, olarda oń dınamıka bar. Qazir olar reanımasııa bóliminde jatyr. Naýqastar sanaly, jeldetkishterden alynǵan. Qazirgi ýaqytta olardyń jaǵdaıy turaqty», dep túsindirdi aýrýhana dırektorynyń medısınalyq bólim boıynsha orynbasary Talǵat Júken.
