Qylmystyq is Astana qalasynyń Qylmystyq ister jónindegi mamandandyrylǵan aýdanaralyq sotyna qaraý úshin joldanǵan.
«Aıyptalýshylar UQK-niń burynǵy tóraǵasy K.Q.Másimov jáne UQK tóraǵasynyń burynǵy orynbasary A.T. Sadyqulov memleketke opasyzdyq jasaý (QK 175-babynyń 1-bóligi), bılikti kúshpen basyp alý (QK 179-babynyń 3-bóligi), aýyr zardaptarǵa ákep soqqan bılik pen laýazymdyq ókilettikterdi ózine jáne basqalarǵa paıda men artyqshylyqtar alý maqsatynda asyra paıdalaný (QK 362-baby 4-bóliginiń 3-tarmaǵy) týraly baptar boıynsha sotqa berildi», delingen Bas prokrýratýra taratqan aqparatta.
Sondaı-aq UQK tóraǵasynyń burynǵy orynbasary D.E. Erǵojın da bılikti kúshpen basyp alǵany (QK 179-babynyń 3-bóligi), aýyr zardaptarǵa ákep soqtyrǵan bılik pen laýazymdyq ókilettikterdi ózine jáne basqalarǵa paıda men artyqshylyqtar alý maqsatynda asyra paıdalanǵany úshin QK 362-baby 4-bóliginiń 3-tarmaǵy boıynsha aıyptalyp jatyr.
Aıyptalýshylar qatarynda UQK tóraǵasynyń burynǵy orynbasary M.S. Osıpov pen UQK departament bastyǵynyń burynǵy orynbasary D.M. Akıpov, jáne UQK-nyń burynǵy basqarma bastyǵy N.K. Bekmýrat ta bar. Olarǵa qylmystyq kodekstiń 362-babynyń ártúrli bólikteri boıynsha aıyp taǵylǵan.
Aıta keteıik, qylmystyq is «óte qupııa» belgisimen tergelgen jáne sotpen de osy tártipte qaralatyn bolady.
