«Mańǵystaý – bala týý kórsetkishi boıynsha birinshi orynda turǵan óńir. Bul – qýantarlyq jaıt. Sondyqtan, demografııalyq ósim bolǵan jerde mindetti túrde tıisti áleýmettik ınfraqurylym da bolýy qajet. Sebebi, ana men bala densaýlyǵynyń myqty bolýy – eldiń damý kórsetkishteriniń biri», dedi Prezıdent.
Sondaı-aq Qasym-JomartKemeluly densaýlyq saqtaý júıesi talapqa saı bolýy kerektigin atap aıtty.
«Sapaly medısınalyq qyzmet oblystyń barlyq turǵyndaryna qoljetimdi bolýǵa tıis. Bıyl meniń tapsyrmammen Munaıly aýdanynda ortalyq aýrýhananyń qurylysy bastaldy. Jedel járdem qyzmetterin, sanıtarlyq avtokólikterdi qajetti qural-jabdyqpen qamtamasyz etý kerek. Barlyq aýdandardyń jedel járdem bólimsheleri ǵımaratqa jarymaı otyr», dedi Toqaev.
Prezıdent óz sózinde oblys ortalyǵynda kópbeıindi aýrýhana jáne jańa jedel járdem stansııasyn salý máselesin qarastyrý qajettigin jáne úkimetke osy máselelerdi pysyqtap, sheshý úshin qarjy bólýdi tapsyratynyn aıtty.
