Ombýdsmenniń quzyreti keńeıdi

Sonymen qatar ýákil qyzmetiniń quqyqtyq mártebesin, qaǵıdattary men kepildikterin konstıtýsııalyq negizde reglamenttep, ulttyq quqyq qorǵaý qyzmetin nyǵaıtýǵa baǵyt­tal­ǵan birqatar ózgerister men tolyqtyrýlar engizý kózdelgen. Atap aıtqanda, azamattardyń qu­qyq­tary buzylǵan jaǵdaıda tıisti memlekettik organdarǵa nemese laýazymdy adamdarǵa tikeleı júginý quqyǵy berildi. Parlament Pala­ta­larynyń birlesken jáne bólek otyrystaryna jáne Parlament depýtattarynyń qatysýymen ótetin ózge de is-sharalarǵa qatysa alady.

Úkimetke jáne ózge de memlekettik organdarǵa, jergilikti memlekettik basqarý jáne ózin-ózi basqarý or­gan­daryna, ózge de uıymdarǵa jáne laýazymdy adamdarǵa azamat­tardyń quqyqtary men bostan­dyq­taryn buzýshylyqtardyń profılaktıkasyna jáne olardy qalpyna keltirýge baǵyttalǵan sha­ra­larǵa qatysty usynymdar men usynystar beredi. О́ńirlerde ýákildiń áleýetin nyǵaıtý jáne onyń atqarýshy jáne ókildi organdarmen keri baılanysyn qamtamasyz etý maqsatynda jergilikti máslıhattar sessııasynyń jalpy otyrystaryna qatysý quqyǵy qarastyrylǵan.

Adam quqyqtary jónindegi ýákildiń saılanýyn, qyzmetinen bosatylýyn jáne ımmýnıtetterinen aıyrýdy Senat júzege asyrady. Jalpy alǵanda ýákilge Konstıtýsııalyq dárejede ókilettikter berý arqyly azamattarǵa Ata Zańymyzdaǵy ke­pildik berilgen quqyqtary men bostan­dyqtaryn qamtamasyz etýdi jáne quqyqtarynyń joǵary deń­geıde qorǵalýyn tolyqqandy qalyp­tas­tyrady.

Nurlan BEKNAZAROV,

Senat depýtaty