«Qazaqstan túrkitildes memlekettermen dostyq jáne tatý kórshilik qatynastardy damytýǵa kúsh salyp keledi. Sonyń bir aıǵaǵy – elimizdiń bastamasymen qabyldanǵan «Túrki áleminiń keleshegi – 2040» qujaty. Ony iske asyrý úshin búgin Túrki memleketteri uıymynyń strategııasy qabyldanbaq», dedi Prezıdent sammıt barysynda.
Qasym-Jomart Toqaevtyń aıtýynsha, atalǵan qujat túrkitildes memleketter arasyndaǵy qarym-qatynasty kúsheıtýge yqpal etedi.
«Bul qujat elderimiz arasyndaǵy qarym-qatynasty kúsheıtýge jáne turaqtylyq beldeýin nyǵaıtýǵa yqpal eteri sózsiz. Sondyqtan, yntymaqtastyǵymyzdyń bolashaǵy zor dep aıtýǵa tolyq negiz bar. Biz óńirlik jáne jahandyq máselelerdi sheshýge belsene atsalysyp, qýatty kúshke aınalýymyz kerek. Qazir geosaıası, geoekonomıkalyq qaıshylyqtar saldarynan Eýrazııadaǵy ekonomıka jáne kólik-logıstıka júıesi ydyrap barady. Syn-qaterlerdi eńserý úshin kúsh-jigerimizdi biriktirýimiz qajet», dedi Memleket basshysy.
