Eýropalyq komıssııa avtomobıl kóligi qalalardaǵy aýany lastaýdyń eń úlken kózi ekenin atap ótti.
«Eýro 7» jańa standarttary azamattarymyzdyń densaýlyǵy men qorshaǵan ortany qorǵaı otyryp, joldarymyzda taza kólikterdi qamtamasyz etedi jáne aýa sapasyn jaqsartady», dep atap ótti EO atqarýshy organy.
Eýro 7 standarttary men CO2 shyǵaryndylary birigip azamattar úshin aýanyń sapasyn qamtamasyz etýi kerek. Sonymen qatar Eýropalyq komıssııa joldarda elektromobılderdiń kóbeıýi de qorshaǵan ortaǵa belgili bir jeńildikter týǵyzatynyn atap ótti.
Osy eki sandyq erejeler jıyntyǵy avtomobıl jetkizý tizbegine lastaýshy zattardyń shyǵaryndylaryn azaıtýǵa naqty baǵyt beredi.
Eýro-7-niń taǵy bir jańashyldyǵy tek gaz shyǵaratyn tútikterdiń shyǵaryndylaryna ǵana emes, sonymen qatar tejegishter men dóńgelekterdiń, sonyń ishinde elektromobılderdiń qatty bólshekterimen qorshaǵan ortany lastaýǵa shekteý qoıady.
Italıandyq La repubblica gazeti bul ereje jeńil kólikterdiń baǵasyn 90 eýrodan 150 eýroǵa, júk kóligin 2700 eýroǵa deıin kóterýi múmkin dep jazady.
Basylymnyń habarlaýynsha, Eýro 7 jeńil kólikter úshin 2025 jyldyń shildesinen bastap, al úlken fýrgondar, júk kólikteri men avtobýstar úshin 2027 jyldan bastap engiziledi dep josparlanýda.
Degenmen, Eýropalyq komıssııanyń usynysyn EO-ǵa múshe memleketter qoldap, Eýroparlament maquldaýy kerek.
