«Atyraý MО́Z» JShS-niń óndiristik baǵdarlamasy aı saıyn jasaqtalyp keledi. Zaýytta júrgizilip jatqan josparly-aldyn alý jóndeý jumystaryn eskere otyryp jasaqtalǵan óndiristik baǵdarlamaǵa sáıkes, 1-8 qarasha aralyǵyndaǵy SMG óndirý kólemi 427 tonnany quraǵan. 9 qarashadaǵy kórsetkish boıynsha 640 tonna SMG óndirilip, jóneltilgen. Bul josparlanǵan kórsetkishten 212 tonnaǵa artyq.
«SMG-ny óndirý kólemin arttyrý jóndeý jumystary kezinde oblysta gaz defısıtin boldyrmaý úshin jasalǵan. Buǵan qosymsha oblysty SMG-men qamtamasyz etý úshin 9 qarashadan bastap «PHSNG» JShS-de qazan aıynan beri zaýyttyń tehnıkalyq qajettilikteri úshin saqtaýly turǵan 270 tonna SMG jóneltile bastady. Qazan-qarasha aıyna josparlanǵan SMG óndirý kólemi jóninde «AMО́Z» JShS jóndeý jumystary bastalmas buryn Energetıka Mınıstrligi men Atyraý qalasynyń ákimdigine resmı túrde habarlady», dep jazylǵan habarlamada.
Aıta keteıik, josparly-aldyn alý jóndeý jumystary aıaqtalǵannan keıin AMО́Z-de SMG óndirý kólemi táýligine 350-400 tonnany quraıdy dep kútilýde.
