Uıymǵa múshe Túrkııa, Ázerbaıjan, Qazaqstan, О́zbekstan jáne Qyrǵyzstan memleketteriniń basshylary Samarqandtaǵy «Máńgilik qala» ortalyǵynda bas qosty. Qol qoıylǵan qujattarda Samarqand deklarasııasy, uıymnyń 2022-2026 jyldarǵa arnalǵan tujyrymdamasy, múshe memleketter arasyndaǵy kólik salasyndaǵy yntymaqtastyq, jeńildetilgen kedendik dálizderdi qurý jáne saýda strategııalary týraly kelisimder bar.
Sondaı-aq Túrkitildes elderdiń yntymaqtastyq keńesin qurý týraly Nahchyvan kelisimine ózgerister engizý týraly hattama, Túrki memleketteri uıymy jarǵysyn bekitý, uıymnyń bas hatshysy men kómekshilerin, Túrki akademııasy tóraǵasy men tóraǵa orynbasaryn taǵaıyndaý týraly sheshim qabyldandy. Túrki ınvestısııalyq qoryn ashýǵa kelisti.
Buǵan deıin Túrki keńesi nemese Túrkitildes memleketter yntymaqtastyq keńesi – ózara qarym-qatynas pen yntymaqtastyqty tereńdetý maqsatynda jumys isteıtin táýelsiz túrki elderinen turatyn halyqaralyq uıym boldy.
