214 myńnan astam ata-ana óz balalaryna shot ashqan. Qazirgi ýaqytta bul depozıtterde jalpy kólemi 46 mlrd teńgege jýyq qarjy jınaqtalǵan. Balalar depozıtinde saqtaýly eń joǵary soma 11 mln teńgege teń. Bul onyń ıesi óz salymyna 1,1 mln teńge ótemaqy ala alatynyn bildiredi.
Balalarynyń salymdary boıynsha memleketten 10% kóleminde ótemaqy alý úshin ata-analar nemese olardyń zańdy ókilderi Otbasy bank keńesshilerine habarlasýy qajet. Ol úshin jaqyn jerdegi keńes berý ortalyǵyna baryp nemese úıge keńesshi shaqyrýǵa bolady. Bank keńesshileri týraly málimetti https://hcsbk.kz/ru/network-agents/ saıtynan tabýǵa bolady.
14 jasqa tolǵan bank salymshylary ótemaqy alý týraly ótinishti ózderi bere alady. Biraq bul tek ata-anasynyń nemese zańdy ókilderiniń qatysýymen júzege asyrylady.
Aıta ketsek, 1,5 aıdyń ishinde 548 433 salymshy Otbasy bankine depozıtteri boıynsha ótemaqy alýǵa ótinish bergen. Onyń ishinde 16 myńnan astamy balalar salymdaryna qatysty bolǵan.
10% kólemindegi ótemaqy ótinish berý arqyly tólemge kelisimin bergen salymshylarǵa ǵana tólenedi. О́tinishter 2023 jyldyń 1 qańtaryna deıin qabyldanady. Kámelet jasyna tolǵan salymshylar óz ótinishterin www.otbasybank.kz mekenjaıy boıynsha «Baspana market» jyljymaıtyn múlik portalyndaǵy jeke kabınetterinde nemese «Otbasy bank» mobıldi qosymshasynda joldaı alady.
10% kólemindegi ótemaqy esepteletin eń joǵary soma 20 mln teńgege teń. Bul bir bankte ashylǵan barlyq depozıtterdiń jalpy somasy. 2022 jyldyń 23 aqpanyndaǵy jaǵdaı boıynsha depozıtteri bar salymshylar óz jınaqtary úshin ótemaqy alady. Ol ótemaqy esepteletin ýaqytqa deıin depozıtterin saqtaǵan salymshylarǵa tólenedi.
Bólý arqyly depozıtten ishinara aqsha sheshilgen bolsa, onda ótemaqy jınaqtalǵan salymnyń eń tómengi qaldyq mólsherine ǵana esepteledi. Sondaı-aq 2022 jyldyń 23 aqpanynan keıin salymǵa qosymsha tolyqtyrylǵan qarajat esepke alynbaıtynyn atap ótken jón.
Eger bank salymshysynda aralyq jáne aldyn ala zaemdar boıynsha, onyń ishinde úshinshi tulǵalardyń olarǵa berilgen turǵyn úı zaemdary boıynsha mindettemeleri boıynsha qamtamasyz etý retinde berilgen salymy bolsa, onda olarǵa da tıisti ótemaqy beriledi.
Jaqyn týystaryna (tegin) taǵaıyndalǵan, sondaı-aq biriktirilgen depozıtter de ótemaqy ala alady.
О́temaqy tólenbeıtin jaǵdaılar:
- depozıt jabylsa;
- depozıt kepil retinde bolǵan, izinshe nesıe salymnyń toqtatylýymen tolyq ótelgen jaǵdaıda;
- depozıt boıynsha turǵyn úı zaemyna kóshken, onyń ishinde avtomatty túrde kóshken salymdar boıynsha (2022 jyldyń 24 aqpanynan 2023 jyldyń 23 aqpanyna deıingi kezeńde);
- onlaın tabystaý arqyly (aqyly) satylǵan nemese satyp alynǵan depozıtter boıynsha.
О́temaqy 2023 jyldyń 23 aqpanynan keıin Otbasy bankine qarajat túsken sátten bastap 2 jumys kúni ishinde salymshylardyń depozıtterine aýdarylady. О́temaqy alý úshin bólek shot ashýdyń qajeti joq.
Eger bank klıentiniń jalpy somasy 20 mln teńgeden asatyn birneshe depozıti bolsa, onda ótemaqy depozıtterge proporsıonaldy, biraq belgilengen ótemaqy somasynan aspaıtyn mólsherde esepteledi.
