Shymkenttikter jeńimpazdardy kútip aldy

Jeńimpazdardy áskerı or­kestrdiń áýenimen qarsy al­ǵan qala turǵyndary, klýb jan­kúıerleri, bir top sport súıer qa­ýym qaladaǵy «Ál-Farabı» alańyna jınalyp, saltanatty quttyqtaý rásimine qatysty. Mun­da qalalyq ákimdiktiń bas­shy­lyq quramy jeńispen oralǵan jergilikti klýbqa fýtboldan Qa­zaqstan kýbogin saltanatty túrde tapsyryp, ordabasylyq oıynshylardy úlken marapatymen quttyqtady.

Alǵashqy bolyp sóz alǵan Shymkent qalasy ákiminiń birin­shi orynbasary Shyńǵys Muqan chempıondardy naǵyz batyrlarǵa teńep, komandanyń jeńisi me­gapolıstiń fýtbol tarıhynda qol jetkizgen úlken tabysynyń biri bolǵanyn atap ótti.

– «Ordabasy» komandasyn fýtboldan ót­ken jarysta 2022 jylǵy Qa­zaq­stan kýbogin ıelenýmen qut­tyqtaımyz! Sizder aqtyq syn­da tabandylyq tanytyp, jeńisti ju­lyp ákettińizder. Sol úshin de shym­kent­tik jankúıerler sizderge rıza. Jaraısyzdar, qan­dy týlatqan naǵyz tartysty oıyn kórsettińizder. Siz­der­men el maqtanady. Talantty oıyn­­shy ekendikterińizdi dálel­de­dińizder. Halyqtyń senimin aqta­ǵandaryńyz úshin myń alǵys. Shymkent qalasynyń ákimi Murat Dúısenbekuly sálem joldap, qut­tyqtap jatyr. Bul tilekke qo­syla otyryp, Shymkent qala­synyń turǵyndary atynan da, «Ordabasy» jankúıerleri atynan da qutty bolsyn deımiz, – degen Shyńǵys Jumabekuly sózin sabaqtap, qala ákimi fınaldyq oıynda stadıonda bolyp, match bitkenshe jankúıerlermen birge ja­rysty tama­shalaǵanyn jet­kizdi.

– Osylaısha qala basshylyǵy ózde­rińizge qoldaý kórsetip, ys­tyq yqy­lasyn bildirdi. Jal­py, tartysqa toly bolǵan «As­tana-Arenadaǵy» oıynda barsha shymkenttik jankúıer jumyla judyryq bolyp siz­derge myqty rýhanı demeý kórsetkenin kórdik. Qudaı qalasa, kelesi jylǵy el chempıonatynda alǵa qoıǵan úlken maqsattar oryndalyp, alǵashqy úshtikten kórinersizder degen úmittemiz. 2023 jyly megapolısti sportta úlken syı kútip tur. Shym­kent qalasy Eýrokýbok oıyndaryn qabyldaıdy. Álbette bul – tek «Ordabasy» klýbynyń ǵana emes, búkil Shymkenttiń, mıllıonan astam turǵyny bar respýblıkadaǵy ásem shahardyń fýtbol sportyndaǵy tuǵyrly jeńisi. Árıne, osyndaı sportshylar arqyly aýlada dop tepken talaı balanyń armany bıikke qaraı ór­leıtini anyq, bul – jastar úshin elik­teýge turatyn jaıt. Endigi tilegimiz ben nıetimiz «Orda­basy­nyń» erlikti qaıtalap, kelesi jyly chempıon bolýy! – dedi ol.

Osydan keıin sóz alǵan «Or­da­basy» klýbynyń prezı­denti Baýyrjan Ab­dýbaıtov je­ńim­­pazdardy kópten ań­saǵan kýbogimen quttyqtap, aldaǵy ýa­qytta da jergilikti ko­mandanyń jan­­kúıerlerdi jeńisterimen qýan­ta beretinine sendirdi. En­digi jerde kóp eńbek­tenip, koman­danyń sapalyq dáre­je­sin jańa satyǵa kóterý jolynda júıeli jumys jalǵasatynyn jet­kizdi.

– Bul jeńiske barsha qala tur­ǵynynyń da qosqan úlesi bar. Sizderdiń qoshe­metterińiz, qala ákiminen bastap barlyq jan­kúıerlerge deıingi bildirgen ys­tyq yqylastaryńyz fýt­bol­shylarǵa, jalpy komanda mú­shelerine rýhanı azyq, myqty yntalandyrýshy kúsh boldy. Osyndaı qoldaýshylarymyzdyń baryna qýanamyz. Árdaıym aman­dyqta júrińizder, – dedi klýb prezıdenti.

Jınalǵan barsha jurttyń aldynda sóz bastaǵan komanda kapıtany Samat Shámshi «Astana Arenadaǵy» matchtyń asa tartys­ty ótkenin, bar oı-arman qalaıda jeńiske jetý bolǵanyn aıtty. Áli de ishteı tolqyp turǵanyn ja­syrmaǵan ol alańda oınap júrip sta­dıondaǵy barlyq jankúıerdiń qoldaýyn sezingenin jetkizdi. Sodan jigitter jigerlenip, so­ńyna deıin talasyp, na­mysqa ty­rysqan. Sonyń nátıjesinde sońǵy mınýttar qalǵanda esepti óz paıdalaryna sheship, jeńisti qarsylasynyń qolynan julyp áketken.

– Shymkenttik jankúıerlerge rahmet! Astanada únemi bizdiń qasymyzdan tabyldy. Qandaı qoldaý bildire alatyndaryn óz kózimizben kórdik. Mundaıda ishki sezimdi, kóńil tolqytqan emosııalardy aıtyp jetkizý qıyn ǵoı, sirá. Maýsym boıy bizden kómegin aıamaǵan qala áki­mine, sport salasyna jaýap­ty barsha ma­manǵa jáne klýb basshy­laryna tegis alǵys aıtamyz. Qýanyshpen aıtqym kelip turǵany, mine, araǵa 11 jyl salyp, Qazaqstan kýbogi Shym­kentke ekinshi márte qaıta oralyp otyr. Bizge tilekshi bolǵan bar­shańyzǵa alǵys jaýdyramyn!, – dedi komanda kapıtany.

Osynaý is-sharada alańǵa jı­nalǵan jankúıerler fýbol­shylardy qaýmalap qurmet kór­setip, qoshemetterin aıamady. Qala ákiminiń orynbasary Maq­sut Isa­hov ta tebirene sóz sóı­lep, fýtbol klý­bynyń er­ligine shynymen tánti bol­ǵanyn aıtty.

– Qurmetti Shymkent qala­synyń turǵyndary. Bul jeńistiń baǵasy biz úshin óte qymbat. Onyń ózindik sebep­teri de joq emes. О́ıtkeni «Ordabasynyń» jolynda ártúrli kedergiler, qıyn­dyq­tar kezdesip jatty. Ony jaq­sy bilemiz. Ekinshiden, «Or­da­basy» – Qazaqstan Premer-lıgasyndaǵy eń jas komanda. Fýt­bolshylardyń ortasha jasy 22-ni quraıdy. Mine, osyndaı sebepterge qaramastan, bizdiń jigitter tabandylyq kór­setip, jankúıerlerge, bizge kúshti kóńil kúı, qýanysh syılady. Taǵy da maqtanyshpen aıtqym kel­geni, fınaldyq kezdesýde alańǵa al­ǵash­qy mınýttardan bastap shyq­qan 11 fýtbolshynyń jeteýi – ózi­mizdiń qazaqstandyq oıynshylar. Al jalpy, klýbtaǵy 25 oıynshynyń 17-si – qazaqtyń qarado­malaq balalary, Shym­kent­tiń túlekteri. Iаǵnı olar­dyń barlyǵy da klýbtyń tárbıe­lenýshileri. Desek te kelesi jyly aldymyzǵa qoıyp otyrǵan úlken maqsattar bar. Endeshe 11 jyldan keıin Shymkentke kelip jetken Kýbok taǵy da qutty bolsyn! – dedi ol.

О́z kezeginde kópshiliktiń qoshemetimen «Ordabasy» fýt­bol klýbynyń kapıtany Samat Shámshi Qazaqstan kýbo­gin qala ákiminiń birinshi oryn­basary Shyń­­ǵys Muqanǵa salta­natty túr­de tabystady. Is-shara so­ńyn­da jergilikti kórkem­óner­pazdar konsert qoıyp, án-jyr­dan shashý shashty.

ShYMKENT