Qarjy • 15 Qarasha, 2022

Krıptonaryqqa qater tóndi me?

80 ret kórsetildi

Álem boıynsha iriligi jaǵynan ekinshi sanalatyn FTX krıptovalıýtalyq bırjasy Týıtterdegi paraqshasynda bankrottyǵyn málimdedi. Habarlamaǵa súıensek, FTX Trading Ltd., Alameda Research jáne taǵy 130 enshiles kompanııa AQSh-tyń bankrottyq týraly kodeksine sáıkes erikti sot isin bastaǵan.

Bul prosedýra kompanııalarǵa bıznesti qaıta uıymdastyrý jáne qaryzdy qaıta qury­lym­daý kezinde kredıtorlardyń talap­taryn qorǵaýǵa múmkindik beredi. Platfor­manyń bas dırektory Sem Benkman-Frıd qyzmetten ketip, onyń ornyna SEO bolyp Djon Reı III taǵaıyndalǵan. Álemdegi asa iri krıptobırjanyń quldyraýy sıfrly valıýta jáne bıtkoın jańalyqtaryn jazýmen aınalysatyn CoinDesk medıa qurylymynyń qarashanyń basyndaǵy zertteýinen keıin bastaldy. Onda FTX-pen baılanysty Alameda (14,6 mlrd dollar) kompanııasy aktıviniń basym bóligin FTT tokenderi quraıtyny anyq­talǵan. Venchýrly saladaǵy gıgant fıatty valıýta nemese ózge de krıptovalıýtalary sııaqty táýelsiz aktıvterdiń ornyna óziniń enshiles kompanııasy shyǵarǵan monetalarmen qamtamasyz etilip kelgen. Iаǵnı FTX Alameda shyǵyndaryn klıentterdiń qarjysy esebinen jaýyp otyrǵan.

Áıgili Binance platformasy FTX-di satyp alý nusqasyn qarastyrǵan. Alaıda due diligence (keshendi táýelsiz baǵalaý) júrgiz­gen­nen keıin jáne iri krıptobırjanyń klıentter qarjysyn maqsatsyz paıdalanǵany jaıly jarııalanǵan aqparattan soń, áýelgi raıynan qaıtqan. Burynǵy CEO Benkman-Frıdtiń boljaýynsha, klıentter qarjysy men bıznesti saqtap qalýǵa 8 mlrd dollar qajet bolýy múmkin. Binance-pen mámile sátsiz aıaqtalǵan soń, ol amerıkalyq Kraken krıptobırjasyna jáne Tron blokcheıniniń negizin salýshy, Huobi bırjasy basshylarynyń biri Djastın Sanǵa ótinish jasaǵan. Biraq oń jaýap ala almaǵan.

Binance krıptovalıýta bırjasynyń basshysy Chanpen Chjao FTX-diń bankrotqa ushy­raýy aldaǵy birneshe aptada taǵy biraz iri kompanııanyń quldyraýyna ákelip soq­tyrýy yqtımal deıdi. Naryq FTX krıptovalıýta platformasynyń aınalasyndaǵy daǵ­darystyń barlyq saldaryn áli sezinip úlgere qoıǵan joq, dedi ol Indonezııadaǵy konferensııa kezinde.

Telegramdaǵy Tengenomika kanalynyń habarlaýynsha, áıgili ekonomıst Nýrıel Rýbını FTX bırjasyn qarjy pıramıdasy dep sanaıtynyn málim etken. Sondaı-aq ekono­mıst Binance bırjasyna da úlken kúmánmen qaraıdy. Eske salaıyq, Binance bıyl Qazaq­stanmen tyǵyz yntymaqtastyq ornata bas­tady. Mamyr aıynda Prezıdent Qasym-Jomart Toqaev Binance kompanııasynyń bas dırektory Chanpen Chjaony qabyldady. Atalǵan kezdesý barysynda elimizdiń salalyq qurylymdary men Binance kompanııasynyń arasynda sıfrlyq qarjy salasyndaǵy, blokcheın tehnologııasy baǵyty boıynsha birlesken bilim berý baǵdarlamalaryn júzege asyrý jónindegi yntymaqtastyqtyń uzaqmerzimdi perspektıvalary, sondaı-aq Qazaqstanda krıptoındýstrııanyń óńirlik habyn qurý máselesi talqylanǵan edi.

Sonymen qatar Prezıdenttiń qatysýymen Sıfrlyq damý, ınnovasııalar jáne aero­ǵarysh ónerkásibi mınıstrligi men Binance kom­p­anııasynyń arasynda yntymaqtastyq týraly memorandýmǵa qol qoıyldy.

«Krıptobırjalar arasynda álemdik lıder bolyp sanalatyn Binance barlyq eko­júıe úshin jaýapkershilikti óz moınyna alyp otyr. Qazaqstandaǵy Binance jol kartasyn qarastyrdyq. Biz sondaı-aq blokcheınge baǵyttalǵan venchýrlyq kapıtal qoryn jáne Astana Hub-tyń jergilikti talanttarynyń jahandyq arenaǵa shyǵýyna kómektesetin akademııany qurý áleýetin talqyladyq. Elimizdiń krıpto álemindegi halyqaralyq oıynshylar úshin aımaqtyq hab bola alatynyna senemiz», degen edi mınıstr Baǵdat Mýsın.

«Astana» halyqaralyq qarjy ortalyǵy­nyń habarlaýynsha, tamyz aıynda bırja qarjylyq qyzmetterdi retteý boıynsha saý­da alańy komıtetinen sıfrly aktıvterdi bas­qarý jáne kastodıaldy qyzmetter kórsetýge ruqsat alǵan. Osylaısha, otandyq qarjy ortalyǵy TMD elderi arasynda birinshi bolyp Binance-pen jumys isteıdi.

Chanpen Chjaonyń aıtýynsha, Qazaqstan Azııada alǵashqylardyń biri bolyp krıptovalıýtalardy retteýge kiristi. Qazaqstannyń krıptovalıýtany óndirý boıynsha da kóshbas­shylyq pozısııada bolýy áıgili bırjanyń qyzyǵýshylyǵyn oıatqan.

«Jahandyq tendensııany eskere otyryp, sońǵy jyldary Qazaqstan úkimeti krıp­tovalıýtalardy óndirý jáne aınalymy sa­lasyndaǵy qyzmetti zańdastyryp, «krıp­tovalıýta» zańnamasyna aıtarlyqtaı túzetýler engizdi. Biz elde salanyń odan ári ósýi úshin úl­ken áleýet baryn kórip otyrmyz jáne álemdik kósh­bas­shylar retinde buǵan óz úlesimizdi qosýǵa qýa­nysh­ty bolamyz. Qazaqstan úkimetimen vır­týal­dy aktıvter naryǵyn damytýǵa ózara múddeli­lik týraly kelisimge qol qoıdyq. Osy eldegi krıp­tovalıýtalar úshin zańnamalyq baza men ret­teý saıasatyn ázirleýdiń mańyzdylyǵyn kórip otyr­myz», deıdi Binance basshysy qazaq­stan­dyq Forbes basylymyna bergen suhbatynda.

Aıtpaqshy, FTX bankrottyǵy ózge krıpto­naryqtardy da quldyratyp jatyr. 7-11 qarasha aralyǵynda bıtkoın 15 100 dollarǵa deıin qunyn joǵaltsa, FTX-pen tyǵyz baılanystaǵy Solana óz qunynyń 60 paıyzyn joǵaltqan.

Sońǵy jańalyqtar

«Sáýleń bolsa keýdeńde...»

Pikir • Búgin, 00:21

Qýaty mol qurama jem

Ekonomıka • Búgin, 00:14

Ekonomıkany resessııa kútip tur ma?

Ekonomıka • Búgin, 00:07

Tekeliniń tátti taǵamdary

Aımaqtar • Búgin, 00:05

Jer silkinisi: saqtyq pen sabaq

Tótenshe jaǵdaı • Keshe

Talqy

Ádebıet • Keshe

Qar ústindegi qarsaq

Aımaqtar • Keshe

Álkeıdiń kúndeligi

Tarıh • Keshe

Jyl úzdikteri anyqtaldy

Sport • Keshe

«Hat qorjyn»

Qoǵam • Keshe

Qarǵyn sýdan qaýip bar

Tótenshe jaǵdaı • Keshe

Oqýshylar tapqan olja

Jádiger • Keshe

Uqsas jańalyqtar