Ekonomıka • 16 Qarasha, 2022

Keleshegi zor zaýyt

42 ret kórsetildi

Taıaýda temirbeton ónimderin óndiretin «SG Beton» zaýyty iske qosyldy. Zaýyt qurylysy 2021 jyly bastalǵan bolatyn. Investısııa kólemi – 16 mlrd teńge. Osy zamanǵy eń ozyq qural-jabdyqtar ornatylǵan zamanaýı zaýyt bıyl qazan aıynda óz jumysyn bastady.

Volgodonovka aýylynyń janynda ornalasqan «SG Beton» zaýyty 15 myń sharshy metr aýmaqty alyp jatyr. Zamanaýı jabdyqtarmen tolyq jabdyqtalǵan. Eń bastysy, ozyq tehnologııalardy meılinshe tıimdi paıdalanatyn elimizdegi eń iri kásiporynnyń biri. Kásiporyn qurylys materıaldarynyń birneshe túrin barynsha sapaly etip shyǵarýdy josparlap otyr. Alǵa qoıǵan mindet mejesi ońynan ońǵarylsa, qoljetimdi turǵyn úı boıynsha birqatar memlekettik baǵdarlamanyń sátti iske asýyna septigin tıgizbek.

Zaýytta jol plıtalary, ártúrli ól­shem­degi baspaldaqtar, paneldik edender men irgetas bloktary tárizdi birneshe túrli ónim shyǵarylmaq. Jylyna 456 600 sharshy metr qurylystyń irge­tasyn be­rik etýge qajetti ótkir qada­lardy shy­ǵarý josparlanýda. Bul kólemdi tarazy basyna tartsańyz, zaýyt táýligine eki sha­qyrym bolatyn qadalardy shyǵa­ra­dy degen sóz. Mundaı ónimder óńir­degi qu­ry­­lys ju­mys­tary úshin óte qajet. Atal­­ǵan ónim­der óndi­rilse, óńir­degi qu­ry­lys qar­qy­ny búgingi­den de arta tú­seti­ni daý­syz. Eń bastysy, 240 ju­mys or­­ny ashyl­­maq. Qazir 106 adam jumys­qa or­na­lasqan. Aldaǵy ýaqyt­ta zaýyt ju­my­s­­shy­­larynyń kásibı deń­geıin kóterý úshin oqy­­tý kózdelip otyr. Zaýyt jumys­shy­­­lary­­nyń ortasha eńbekaqysy 300-350 myń teńge sha­masynda. Olardyń alańsyz ju­mys isteýine barlyq qolaıly jaǵdaı jasalǵan.

– Jergilikti jerde jumys bolǵany, jumysshylardyń tolymdy eńbek alǵany óte jaqsy, – deıdi dánekerleýshi operator Aleksandr Zaıas, – zaýyttaǵy barlyq jumys avtomattandyrylǵan. Qol eńbegi kóp qajet etilmeıdi. Aldaǵy ýaqytta jumysshylardyń da barynsha bilimdi bolǵany durys. О́ıtkeni endi bizge jańa qurylǵylarmen jumys isteýge týra keledi.

Temirbeton qurylǵylaryn óndirý kezinde tehnologııalyq prosestiń barlyq kezeńi durys saqtalsa, úlken júktemege tótep bere alady. О́nim óndirý birneshe kezeńge bólingen. Barlyǵy múltiksiz jumys istep, óndiriletin ónimniń sapasyna áser etpek. Zaýyt zaman talabyna tolyq jaýap beretin nemistiń «Makstrýder» fırmasynyń jabdyqtarymen qamtamasyz etilgen. Tolyq avtomattandyrylǵan júıe jumysshynyń qateligine jol bermeıdi. Jańa tehnologııalardy qoldaný zaýyt­tyń joǵary ónimdiligin, sondaı-aq shıki­zat pen sýdy únemdep tutynýǵa múmkin­dik beredi. Zaýyttaǵy jumys eki aýysym boıynsha uıymdastyrylyp otyr.

Qurylys materıaldarynyń qymbattaýy elimizdegi salaǵa keri áserin tıgizgeni anyq. Al jergilikti jer­de mundaı ónimniń óndirilýi halyqqa qol­jetim­di ári sapaly turǵyn úı salýǵa jol ashady. Shyn máninde temirbeton zaýy­ty­nyń iske qosylýy bul taraptaǵy Mem­leket basshysynyń tapsyrmalaryn oıda­ǵy­daı oryndaýǵa yqpal etedi. Iаǵnı temir­beton ónimderiniń óndirisi óńirde ǵana emes, elimizdegi suranysty aqtamaq. Onyń ústine qurylys jumystary qar­qyndy júrgizilip jatqan elordadaǵy qajet­ti­likti jergilikti ónimmen óteıdi.

– «SG Beton» zaýyty «G-PARK» kompanııalar tobyna kiredi. Dál qazir 650 myń sharshy metr kópqýysty plıtalar men 457 myń ótkir qadalar shyǵarýǵa múmkindik bar, – deıdi seriktestik dırektory Amangeldi Kákibaev, – aldaǵy ýaqytta ónim kólemin eki esege arttyra­myz. Kelesi jyly beton daıyndaý zaýyty salynbaqshy. Mine, sol kezde qury­lysqa qajetti qyrýar dúnıeniń surany­syn óteımiz dep mejelep otyrmyz.

Qurylys salasy qarqyndy damyǵan kezde ózge de salalas kóptegen jumys alǵa basatyn bolady.

 

Aqmola oblysy,

Arshaly aýdany

Sońǵy jańalyqtar

Munaı baǵasy 16% tómendeıdi

Ekonomıka • Búgin, 11:30

Búgin aýa raıy qandaı bolady?

Aýa raıy • Búgin, 09:33

Elimizde 49 adam indet juqtyrdy

Koronavırýs • Búgin, 09:14

Jańarǵan júıe jaýapkershiligi

Saılaý • Búgin, 08:58

Jańa elektr stansasy salynady

Qoǵam • Búgin, 08:55

Saıyndaǵy sý daýy

Aımaqtar • Búgin, 08:50

Top jarǵan úsh ǵalym

Bilim • Búgin, 08:45

Jalǵan habar taratqanǵa jaza qatań

Qoǵam • Búgin, 08:40

Qyrǵyzdyń óńindeı...

О́ner • Búgin, 08:35

Ana men bala amandyǵy

Medısına • Búgin, 08:35

Saıası alańdaǵy ustanym

Saılaý • Búgin, 08:25

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Uqsas jańalyqtar