Saýda jáne ıntegrasııa mınıstrliginiń habarlaýynsha, zertteýdiń negizgi baǵyty – saýda rásimderin jeńildetý jáne eksportty ilgeriletý. Sarapshylardyń pikirine qaraǵanda, saýda rásimderin jeńildetýdegi shaǵyn jetistikterdiń ózi damýdyń kez kelgen deńgeıindegi elderde shaǵyn jáne orta bıznesti eksporttaýshyǵa aınaldyrý múmkindigin 3 paıyzǵa deıin jedeldetýi múmkin. Kedendik rásimderdi avtomattandyrý sııaqty salalar ShOB kásiporyndarynyń eksportyn 4,4-6,5 paıyzǵa deıin arttyrmaq.
Sońǵy segiz aıdaǵy geosaıası ózgeristerge jáne dástúrli logıstıkalyq tizbekterdiń úzilýine qaramastan, Ortalyq Azııadaǵy saýda baılanystary berik bolyp qala beredi. 2022 jyldyń 8 aıynda Qazaqstannyń Ortalyq Azııa elderimen taýar aınalymy 4,8 mlrd dollardy quraǵan. Bul ótken jyldyń sáıkes kezeńimen salystyrǵanda 26,8 paıyzǵa joǵary.
Ortalyq Azııa elderine úsh jalpy úrdis tán. Bul – óńirishilik saýdany kúsheıtý, transshekaralyq qaǵazsyz saýdaǵa kóshýdi qosa alǵanda, saýda rásimderin ońaılatý jáne eksportty qoldaýdyń tolyqqandy ekojúıesin qalyptastyrý.
EYDU sarapshylary óz jumysynda Ortalyq Azııa elderindegi saýda rásimderin jeńildetýdi 11 ındıkator boıynsha baǵalady. EYDU saýda saıasaty bólimshesiniń, saýda jáne aýyl sharýashylyǵy bóliminiń taldaýshysy Sılvııa Soreský Qazaqstannyń ashyqtyǵy men boljamdylyǵy, kedendik rásimderdi avtomattandyrý, bajdar men alymdar sııaqty kóptegen pozısııa boıynsha kórsetkishteri orta deńgeıden joǵary jáne óńirdegi kórshilerden ozyq ekenin atap ótti. Qujattardy usynýǵa qoıylatyn talaptardy ońtaılandyrý, olardy elektrondy túrde berý jáne saýda salasynda «bir tereze» qyzmetin qurý salasynda aıtarlyqtaı progreske qol jetkizilgen. Sondaı-aq semınar barysynda ol saýda rásimderin ońtaılandyrý úshin kúsh salýdyń negizgi máseleleri men perspektıvalyq núktelerin de aıtty.
Qazir salalyq vedomstvo saýda rásimderin ońaılatý boıynsha belsendi jumys júrgizýde jáne Ortalyq Azııa elderimen saýda yntymaqtastyǵyn damytýǵa eleýli kóńil bólip jatyr.
Eske salyp óteıik, jobanyń ekinshi kezeńi Ortalyq Azııa elderi arasyndaǵy saýda qatynastaryn nyǵaıtýǵa baǵyttalǵan. Jobanyń maqsaty Ortalyq Azııanyń alty eline – Qazaqstan, Qyrǵyzstan, Tájikstan, Túrikmenstan, О́zbekstan, Aýǵanstanmen saýda baılanystary men halyqaralyq ıntegrasııany keńeıtý úshin óz múmkindikterin barynsha paıdalanýǵa jaǵdaı jasaıtyn saıasat pen quraldar boıynsha taldamalyq jáne praktıkalyq basshylyqty berý. Jobany EYDU Saýda jáne ıntegrasııa mınıstrligimen jáne «QazTrade» AQ-men yntymaqtastyqta iske asyrýda. Jobanyń uzaqtyǵy – 2 jyl.
