«Turǵyn-úı kommýnaldyq sharýashylyǵyna basa mán berý qajet. Birqatar aýdanda ortalyqtan beriletin sý joq. Almatynyń 30 myńǵa jýyq turǵyny sýdy tasyp ishedi. Ákimdikke 3 jyldyń ishinde barlyq turǵyndarǵa ortalyqtan sý berýdi tapsyramyn», dedi Prezıdent.
Memleket basshysy atap ótkendeı, aldaǵy 2 jylda Qarǵaly, Aqsaı ózenderinen sý alatyn 2 iri qurylǵy iske qosylady. Sondaı-aq Naýryzbaı jáne Alataý aýdandarynda sý jınaıtyn jańa ortalyqtar salynady. Sonyń arqasynda 150 myń almatylyqqa sý beriledi.
«Sý – tirshilik kózi. Turǵyndardyń ómir sapasy tikeleı sýǵa baılanysty. Sondyqtan, sýmen qamtamasyz etetin jańa jeli salý, eskilerin jańǵyrtý jumysyn basty nazarda ustaý kerek. Men Almatynyń tarıhı ortalyǵynda kommýnaldyq ınfraqurylymnyń tozyp bara jatqanyn aıttym. Ákimdik ondaǵy eskirgen jelini ýaqtyly jańǵyrtyp otyrýy kerek. Mysaly, «Tarıfti ınvestısııaǵa aıyrbastaý» baǵdarlamasy bar, sony tıimdi paıdalanǵan jón. Barshańyzǵa belgili, qala halqynyń sany kún ótken saıyn ósip keledi. Sondyqtan, turǵyn-úı qurylysyna aıryqsha mán beriledi», dep túıindedi Qasym-Jomart Kemeluly.
