Prezıdent • 16 Qarasha, 2022

Almatyda elektro avtobýstar kóbeıedi

96 ret kórsetildi

Memleket basshysy Qasym-Jomart Toqaev Almaty kóshelerindegi kólik júktemesin joıý joldaryn atady, dep habarlaıdy Egemen.kz.

«Qorshaǵan ortaǵa zııan keltiretin eski kólik túrlerinen bas tartý kerek. 2025 jyldan keıin Almaty kóshelerinde dızeldi avtobýstar qalmaýy tıis, olardy elektro avtobýstarmen almastyrý qajet. Tranzıttik júk tasymalynyń kóp bóligin Úlken Almaty aınalma avtomobıl jolyna aýystyrý qalaǵa úshin tıimdi bolady. Ol úshin 6 radıaldy jáne 4 ishki magıstraldyq kóshe salý qajet», dedi Qasym-Jomart Toqaev qala jurtshylyǵymen kezdesýinde.

Bul rette Prezıdent Úkimet pen qala ákimdigine atalǵan jobalardy qolǵa alýdy tapsyrdy.

«Almaty qalasy men Almaty oblysy bir-birimen tyǵyz baılanysty. Búginde Almaty joldarynda úlken júkteme bar ekenin áli de baıqap otyrmyz. Sondyqtan qala mańyndaǵy qoǵamdyq kólikti damytýǵa erekshe nazar aýdarý qajet», dep qosty Memleket basshysy.

Prezıdent óz sózinde jaqynda Almaty men Qonaev qalalary arasyndaǵy elektr poıyzynyń baǵyty jańartylǵanyn eske saldy.

«Indýstrııa jáne ınfraqurylymdyq damý mınıstrligi, Almaty jáne Almaty oblysynyń ákimdikteri qala mańyndaǵy temirjol qatynasyn odan ári damytý josparyn ázirleýi qajet», dedi Qasym-Jomart Kemeluly.

Uqsas jańalyqtar