Qazirgi qyzmetine deıin ol «Qazaqstannyń Damý Banki» AQ enshiles uıymy «О́nerkásipti damytý qory» AQ-ny basqarǵan.
«Báıterek» UBH» AQ Basqarma tóraǵasy Qanat Sharlapaev QDB ujymyna jańa basshyny tanystyrdy.
«Nurlan Baıbazarov qarjy uıymdarynda jetkilikti jumys tájirıbesine ıe. Osyǵan deıin ol Qazaqstannyń Damý bankine enshiles О́nerkásipti damytý qoryn tabysty basqardy. Nurlan Baıbazarovtyń joǵary basqarýshylyq quzyrettiligin, sondaı-aq sózsiz QDB-ny damytýda qoldanylatyn Úkimettiń ekonomıkalyq blogyndaǵy úlken jumys tájirıbesin atap ótkim keledi», dedi Qanat Sharlapaev.
Nurlan Baıbazarov 1975 jyly týǵan. Qazaq memlekettik basqarý akademııasyn «Bank isin uıymdastyrý» mamandyǵy boıynsha bitirgen.
Eńbek jolyn 1997 jyly Qarjy mınıstrliginiń Bıýdjet departamentinde bastaǵan.
2004 jyldan 2011 jylǵa deıin «Qazaqstannyń Damý banki» AQ-da basqarma bastyǵynan bastap basqarýshy dırektorǵa deıin ártúrli laýazymdarda qyzmet etti.
2013-2016 jyldary Ulttyq ekonomıka mınıstrliginde ekonomıka salalaryn damytý departamentiniń dırektory qyzmetin atqardy.
2016 jyldan bastap qazirgi kúnge deıin «О́nerkásipti damytý qory» AQ Dırektorlar keńesiniń múshesi jáne Basqarma tóraǵasy boldy.
Aıta ketsek, Nurlan Baıbazarov «Eren eńbegi úshin» memlekettik medalimen marapattalǵan.
