Iаdrolyq medısınalyq ortalyqtyń jańa qyzmeti

«MIG QAZAQSTAN» dep atalatyn jańa ıadrolyq medısına ortalyǵynda endi naýqastarǵa joǵary tehnologııalyq apparattyń kómegimen emdeý sharasy júrgiziledi. Atap aıtqanda, «Varian Halcyon» qondyrǵysy arqyly qaterli isikke shaldyqqan naýqastar sáýlelik terapııa boıynsha em qabyldaıdy. Mundaı qurylǵy kórshiles TMD memleketteri ishinde О́zbekstan men Qyrǵyzstanda, tipti Tájikstanda da joq. Sondyqtan Ortalyq Azııada teńdesi joq qurylǵy Qazaqstanda alǵash ret Shymkent qala­syndaǵy onkologııalyq ortalyqta ornatyldy.

Aıta ketý kerek, PET/KT – bul kom­pıý­terlik tomografııamen biriktiril­gen pozıtrondy-emıssııalyq tomografııa. Onyń basty ereksheligi, glıýkoza negizinde radıofarmpreparattardyń kómegimen onkologııalyq aýrýlar men bas mıynyń aýrýlaryna dál dıagnostıka jasaýǵa múmkindik beredi.

Qaterli isiktiń bastapqy paıda bolý satysyn anyqtaýǵa jáne patologııalyq prosesti basqa ádisterge qaraǵanda erterek bilýge septigin tıgizetin osy zamanaýı medısınalyq qural arqyly dárigerler obyr aýrýlarynyń oshaǵyn dál taýyp, pasıentterdiń emdik sharalaryn der kezinde bastaýǵa múmkindik týǵyzady.

О́z kezeginde qala basshysy M.Áıte­nov ıadrolyq medısınalyq klaster úshin­shi megapolıstiń medısınalyq týrızmin damytýǵa serpin beretin birden-bir joba ekenin aıtyp ótti.

«Osy ozyq tehnologııanyń nátı­je­­sinde biz Shymkent qalasyna ǵana emes, Túrkistan, Jambyl, Qyzylorda oblystarynyń halqyna da sapaly medısınalyq qyzmet kórsete alamyz. Memlekettiń basty qundylyǵy adam men onyń densaýlyǵy ekenin eskersek, atqaryp jatqan is-sharalar osy zań talabynan týyp otyr. Negizinde baǵasy óte qymbat sanalatyn bul em-shara endi jergilikti halyqqa da qoljetimdi bolady», dedi qala ákimi.

Investorlardyń qarjylandyrýy­men ashylǵan bul ortalyq zamanaýı tehnologııalyq apparattardyń kómegi­men qaterli isikti erte kezeńde anyq­tap, naýqastarǵa der kezinde sapaly medı­sınalyq kómek kórsetýmen erek­shelenedi.

Sondaı-aq ashylý rásiminde joba ınvestory «Almaly» holdıngi bas dırek­torynyń orynbasary B.Saparov ta qala basshylyǵymen birge ıadrolyq medısına ortalyǵynyń múmkindikterimen tanysty.

О́z kezeginde joba memle­ket-jekemenshik áriptestik sheńberinde «Med­Invest­Grýpp Qazaqstan» JShS-nyń qol­daýymen júzege asqan. Memleket tara­pynan ortalyq ǵımaratyn turǵy­zýǵa qarjy bólinse, ózge jumystar ınvestordyń qarajaty esebinen atqa­ryldy. Qaladaǵy atalǵan ortalyq aldaǵy ýaqytta respýblıkadaǵy onkologııalyq aýrýlardy zamanaýı tásilmen emdeıtin úshinshi iri emdeý mekemesine aınalady. Ásirese, ortalyqqa sáýle terapııasyna arnalǵan sońǵy úlgidegi jabdyq satyp alyndy. Sondyqtan bul respýblıkada ǵana emes, Ortalyq Azııada balamasy joq apparat jáne birinshi bolyp Shymkentte iske qosylyp otyr.

Qala ákiminiń aıtýynsha, geosaıası jáne pandemııalyq jaǵdaıǵa baılanysty ortalyqtyń ashylýy 4 aıǵa keshikken. Desek te, ınvestordyń qajyr­ly eńbeginiń nátıjesinde joba aıaqsyz qalǵan joq. Sol úshin de qala basshysy kásipkerge óz atynan rızashylyǵyn bildirdi. Búgingi tańda bir aptanyń ishinde 22 naýqas em alyp úlgergen. Sondaı-aq qyzmetkerler arnaıy biliktilik arttyrý kýrsynan da ótip keldi.

Mamandardyń aıtýynsha, joba aıasyn­da radıofarmpreparattardyń ke­ńeı­­­tilgen jelisin jáne onkologııalyq aýrý­­­­lardy emdeýge arnalǵan joǵary dál­­dik­tegi radıologııa ortalyǵyn paıda­lana otyryp, radıonýklıdtik dıagnos­tıka ortalyǵyn ashý isi de kózdelip jatyr.

«Shymkentte kópten kútken ıadro­lyq medısınalyq ortalyqtyń tusaýy kesildi. Mundaǵy qondyrǵy – Siemens kompanııasynyń kompıýterlik tomografııamen biriktirilgen pozıtrondy-emıssııalyq tomografııa (PET/KT) ap­pa­raty. Eń bastysy, bul qurylǵy shymkenttikterge tereńdetilgen dıag­nostıka jasaýǵa múmkindik beredi. Máselen, PET/KT apparaty joq kezde biz naýqastardy Astana men Almaty qalalaryna joldama negizinde jiberetin edik. 2022 jyldyń 10 aıynda 240 naý­qastyń dıagnostıkalyq tekserýden ótýi úshin jolǵa shyǵýyna týra kel­di. Qurylǵy kúnine 20 adamdy anyq­tap-teksere alady. Iаǵnı PET/KT Shym­kenttiń onkologııadaǵy dıagnostıka máselesin tolyq sheshe alady. Sebebi osy ýaqytqa deıin ár aı saıyn PET/KT kómegine 20-30 naýqastan júginip kelgen. Al jańa ortalyqtyń ju­mysyn bastaýmen bizge kórshiles óńir­ler­den jáne memleketterden medı­sınalyq qyzmetke júgingen azamattar kóptep kele bastaıdy. Bul óz kezeginde me­dı­sınalyq týrızmdi damytýǵa keremet múm­kindikter syılaıdy. Sonymen qatar bul ortalyqta naýqastardy sáýleli terapııamen emdeý sharalary qolǵa alynyp otyr. Búginge deıin myńǵa jýyq naýqas em alyp úlgerdi. Varian fırmasynyń Halcyon sáýleli emdeý júıesiniń qaterli isikti emdeýdegi kómegi zor bolyp tur. PET/KT respýblıkada eki-úsh-aq qalada bolsa, Halcyon sáýleli emdeý júıesi res­pýblıkada alǵash ret Shymkentte ornatylyp otyr», dedi qalalyq densaýlyq basqarmasynyń basshysy N.Asylbekov.

Al «MIG QAZAQSTAN» ıadrolyq medısınalyq ortalyǵynyń dırekto­ry Dáýlet Erjanovtyń aıtýynsha, or­ta­lyq jylyna PET/KT apparatynda
5 myńǵa jýyq azamatqa dıagnostıka jasap, qaterli isikke shaldyqqan 5 myńdaı naýqasqa Halcyon sáýleli emdeý júıesi arqyly kómek kórsetetin bolady.

«Iаdrolyq medısına ortalyǵynyń ashylýy – ońtústik óńirdiń ǵana emes, tutastaı elimizdiń medısınasyn da­­my­týǵa jasaǵan úlken qadam dep baǵa­laǵan jón. Árıne, halyqtyń aman-saý bolǵany bizdiń basty tilegimiz ben maq­satymyz. Degenmen ómir bolǵan soń adam taǵdyrynda túrli jaǵdaılardyń oryn alatyny zańdy qubylys. Iаǵnı qaterli isikten eshkim bir-birine kepildik bere almaıdy. Sondyqtan ortalyqtaǵy zamanaýı qurylǵylar obyr aýrýyn erte kezeńde anyqtap, onyń ózge organdar­ǵa ótip ketpeýiniń aldyn alady jáne jany qınalǵan naýqastar úshin aýyrtpaı emdeýge birden-bir sep. Sonymen birge PET/KT halyqtyń ómir súrý jasyn uzartýǵa da óziniń úlken úlesin qosary daýsyz. Jobaǵa jalpy quny 6,5 mlrd teńge qarjy jumsaldy. Biz ári qaraı da ortalyqty damytyp, ońtústiktegi ıadrolyq medısınanyń habyna aınaldyrýdy aldymyzǵa maqsat tuttyq», dedi ınvestor B.Saparov.

Bul rette medısınalyq mekeme­niń radıo­­­logy O.Aqjoldyń aıtýynsha, ıadro­­­lyq ortalyqtaǵy dıagnostıka belgi­­len­gen tártippen júzege asyrylatyn bolady.

«Aldymen naýqas dárigerden jol­da­ma alyp, ıadrolyq medısına ortaly­ǵynyń qabyldaýyna jazylady. Odan keıin qabyldaýdan 36 saǵat buryn arnaıy dıetalyq rejimdi saqtaı otyryp, zertteýge daıyndalady. Budan soń ortalyqqa kelip, radıofarmpreparatty qabyldaıdy. Ári qaraı 50 mınýt­taı dárigerdiń baqylaýynda bolyp, PET/KT apparatyna túsedi. Radıolog-ma­man naýqasty 20 mınýttaı apparattyń ­kó­me­gimen tekserip, alynǵan derekterdi óń­deıdi. Naýqastyń densaýlyǵy jaıly uıǵarymdy dáriger 2 táýlikten soń shy­ǵa­ryp beredi», dedi maman.

Aıta ketý kerek, ortalyqta medısı­nalyq kómektiń kepildik berilgen kólemi sheń­berinde tegin jáne qoljetimdi zertteýler jasalady. Sondaı-aq mamandar erte anyqtalǵan qaterli isikke der ke­zinde em-dom júrgizedi. Mundaıda dertten aıyǵý múmkindiginiń molaıa túsetini belgili. Qoryta aıtqanda, ortalyqtaǵy qurylǵynyń biri dertti erte anyqtaýǵa kómektesse, ekinshisi naýqastyń ózge aǵzasyna zııanyn tıgizbeı, qaterli isikti sáýle arqyly emdeýge múmkindik beredi. Munymen qosa onkologııalyq dertten bolatyn ólim-jitimdi azaıtyp, halyqtyń ómir súrý jasynyń uzaqtyǵyn arttyrýǵa paıdasyn tıgizeri anyq.

ShYMKENT