Pavlodar oblysy TJD baspasóz qyzmeti habarlaǵandaı, oqıǵa Evgenevka aýylyndaǵy jeke úılerdiń birinde bolǵan.
«14 qarasha keshki ýaqytta úıdegi peshke ot jaǵylǵan. Al kelesi kúni tańerteń búkil otbasy ózin nashar sezinip, jedel járdem shaqyrady. Tekserý kezinde dárigerler úı turǵyndarynyń kómirtegi totyǵymen ýlanǵanyn anyqtady», dep habarlady vedomstvonyń baspasóz qyzmeti.
О́ńirlik densaýlyq saqtaý basqarmasynyń málimetinshe, zardap shekkender sol kúni Aqsý qalalyq aýrýhanasyna jetkizildi.
«1958 jáne 1989 jyly týǵan áıelderde, sondaı-aq 37 jastaǵy er adamda kómirtegi totyǵymen ýlanýdyń jeńil dárejesi anyqtaldy. Tekserýden keıin eresekter ambýlatorııalyq emge aýystyrylyp, úılerine jiberildi, al balalar aýrýhanada. Olardyń jaǵdaıy turaqty», deıdi baspasóz qyzmetindegiler.
