«QazMunaıGaz» Ulttyq kompanııasy» AQ Basqarma sheshimimen Qyrymbek Eleýuly Kósherbaev «Embimunaıgaz» AQ Dırektorlar Keńesiniń Múshesi - Táýelsiz dırektor bolyp saılandy», delingen kompanııanyń resmı saıtynda. Habarlama 2022 jyldyń 17 qarashasynda jazylǵan.
Qyrymbek Kósherbaev 1978 jyly Qazaq polıtehnıkalyq ınstıtýtyn, 1991 jyly KOKP OK janyndaǵy Qoǵamdyq ǵylymdar akademııasyn bitirgen. Qurylys ınjeneri, saıasattanýshy. Saıasattaný ǵylymdarynyń doktory, fılosofııa ǵylymdarynyń kandıdaty. I klassty Tótenshe jáne О́kiletti ókili (2003).
Ol Qazaqstannyń Reseıdegi, Fınlıandııadaǵy jáne Armenııadaǵy Tótenshe jáne О́kiletti elshisi boldy, 2006 jyldan 2011 jylǵa deıin Mańǵystaý oblysynyń ákimi qyzmetin atqardy. 2012 jyly QR Prezıdentiniń keńesshisi, 2012-2013 jyldary QR Premer-Mınıstriniń orynbasary, 2013-2019 jyldary Qyzylorda oblysynyń ákimi, 2019 jyly QR Prezıdenti Ákimshiliginiń basshysy, al 2019-2022 jyldary Qazaqstan Respýblıkasynyń Memlekettik hatshysy qyzmetterin atqardy.
I dárejeli «Barys», «Parasat», II dárejeli «Barys», «Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev» ordenderimen marapattalǵan.
