Kóshe kezgen jetkinshek qylmysqa úıir

Komıssııa basqosýynda qa­la­lyq polısııa departamenti bastyǵynyń birinshi orynbasary E.Abdramanov jasóspirimder arasyndaǵy quqyq buzýshylyq jóninde baıandama jasady.

– Shymkent qalasy polısııa departamenti tarapynan quqyq buzýshylyqtyń aldyn alý boıynsha sharalar qolǵa alynyp keledi. Sonymen birge osy baǵytta arnaıy reıdter uıymdastyrylýda. Bala­lar­dyń ata-analaryna da departament mamandary turaqty túr­de túsindirý jumystaryn júr­gizip otyrady. Esepti kezeń ara­lyǵynda ıaǵnı, jyl basynan beri 4 333 jasóspirimge qatysty ákim­shilik shara qoldanyldy. Ásirese túngi ýaqytta, saǵat 23.00-den keıin ata-anasynyń baqylaýynsyz kóshe kezetin jas jetkinshekter tártip saq­shylarynyń nazaryna túsip qalyp jatady. Polıseılerdiń uıymdastyrǵan is-sharalary barysynda túrli oıyn-saýyq oryndarynda osyndaı biraz jasóspirim anyqtaldy.

Bas-aıaǵy 2 aıdyń ishinde, qyrkúıek pen qazan aılarynda túngi ýaqytta ata-anasyz kóshege shyqqan 658 jasóspirim ustaldy. Alańdatarlyq jaıt, olardyń jartysyna jýyǵy – áli mektepte oqıtyn oqýshylar.

Sondaı-aq jyl basynan beri ata-anasynyń ruqsatynsyz úıi­nen ketip qala beretin 3 jas­­ós­pirim anyqtaldy. Jet­kin­shek­ter sot sheshimimen Ta­raz qala­syndaǵy arnaıy mek­tepke aýystyryldy. Bala tárbıesindegi mindetin oryndamaǵan 5 ata-ananyń quqyqtary shekteldi. Qadaǵalaýsyz júrgen 195 bala endi kámeletke tolmaǵandardy beıimdeý ortalyǵynda tár­bıe­le­nedi, – dedi polısııa ókili Ermahan Ádilhanuly.

Sondaı-aq E.Abdramanov statıstıkalyq málimetten jaq­sy derekterdi de keltirdi. Máse­len, polısııa departamenti ókiliniń habarlaýynsha, osy jyldyń 10 aıynda kámeletke tolmaǵandar arasynda jasal­ǵan qylmys 38 paıyzǵa tómen­degen. Osy rette departament mamandary kámeletke tol­ma­ǵan jasóspirimder arasynda tirkelgen qylmystardyń ár­qaı­sysyn zerttep-zerdelegen. Sonyń qorytyndysyna qa­raı 60 qylmysqa qatysy bar 74 jasóspirimniń 12,2 paıyzy – mektep oqýshysy, 9,5 paıyzy – kolledj stýdenti, 78,3 paıyzy mektep bitirgennen keıin oqýǵa túse almaı qalǵan jáne esh jerde turaqty jumys istemeıtin jas jetkinshekter ekeni belgili boldy.

Qala ákiminiń birinshi oryn­basary Shyńǵys Muqan jas­óspirimder arasyndaǵy qylmys azaıǵanymen bul másele áli de qoǵamdy alańdatatynyn aıtady. Osy tusta anyq bol­ǵandaı, oqýshylarǵa qatysty nemese oqýshylar tarapynan jasalatyn qylmys ataýly ádette mekteptegi oqý merziminen tys ýaqytta bolady eken. Bul jaǵdaıda, árı­ne, mektep ákimshiligi ondaı buzaqy oqýshylardyń áre­ke­ti­ne jaýapty emes. Bul jerde birinshi kiná – ata-ananyń jaýapsyzdyǵynda. Sondyqtan bala tárbıesine eń aldymen qylmysqa, zań buzýshylyqqa barǵan jetkinshektiń ata-anasy jaýap berýi tıis. Deı tur­ǵanmen, mektepte berilgen jaq­sy tárbıe oqýshynyń mektepten tys ýaqyttaǵy minez-qul­qyna, júris-turysyna oń áse­rin tıgizetin kórinedi. Sol se­bepti mamandardyń pikirinshe, mek­teptegi ustazdar men ata-analar birinshi kezekte balalardyń tár­bıesimen aınalysyp, osy má­selege kóp kóńil bólgenderi du­rys.

Qalalyq ákimdikte ótken ko­mıssııa otyrysynda, sondaı-aq, Taraz qalasyndaǵy balalar men jasóspirimderdiń arnaýly mektebine qatysty másele qaraldy. Naqty aıtqanda atalǵan bilim oshaǵyna 4 jasóspirimdi ornalastyrýǵa baılanysty jaǵ­daı talqylandy. Osydan keıin komıssııalyq basqosý káme­let­ke tolmaǵan balalar men olar­dyń ata-analaryna qatysty jekelegen máselelerdi qaraý men olardy sheshý joldary boıynsha «jabyq esik» jaǵdaıynda jalǵasty.

ShYMKENT