Mańǵystaý oblystyq polısııa departamentiniń málimetinshe, oblystyq TJD krımınaldyq polısııa basqarmasynyń qyzmetkerleri qylmyskerdi qolǵa túsirý úshin izdeý tapsyrmasymen kórshi memleketke ketken. Ishki ister mınıstrliginiń Orlov oblysyndaǵy áriptesterimen birge 16 qarashada kúdiktini ustady.
«Áıelge alaıaqtyq jasady degen aıyp taǵylyp, izdeý jarııalanǵan. 2010 jyldyń sáýir aıynda ol Munaıly aýdanyndaǵy jer telimin jalǵan qujat arqyly jábirlenýshige 1,5 mıllıon teńgege satyp jibergen. Sol jyldyń maýsym aıynda ol sol aýdanda 4,5 mln teńgege ekinshi jer telimin jalǵan qujatpen satyp jibergen», dep habarlady vedomstvodan.
Tártip saqshylarynyń málimetinshe, kúdiktiniń alaıaqtyq áreketinen barlyǵy 74 adam zardap shekken. Materıaldyq shyǵyn 50 mıllıon teńgeden asady.
Kúdikti RF IIM Novosılsk bólimshesindegi ýaqytsha ustaý ızolıatoryna qamaldy. Qazirgi ýaqytta tergeý amaldary júrgizilýde.
