Qorǵanys mınıstri eń mańyzdy qoǵamdyq-saıası oqıǵa – Prezıdent saılaýyna qatysý – barlyq qazaqstandyqtardyń azamattyq mindeti ekenin atap ótti.
– Qazirgi ýaqytta áskerı bólimder men mekemeler aýmaǵyndaǵy 20 saılaý ýchaskesinde merzimdi qyzmettegi sarbazdar men kýrsanttar daýys berip jatyr. Qarýly kúshterden barlyǵy 130 myńǵa jýyq áskerı qyzmetshi, azamattyq personal jáne olardyń otbasy músheleri daýys berýge qatysýda, – dedi general-polkovnık Rýslan Jaqsylyqov.
Saılaý – qazirgi demokratııalyq memlekettiń mańyzdy ınstıtýty. Bul proseste eldiń áskerı qaýipsizdigi men aýmaqtyq tutastyǵyn qamtamasyz etýdiń mańyzdy mindetin oryndaıtyn ár áskerı qyzmetshiniń daýys berýi mańyzdy.
