Merekelik is-sharaǵa Ǵylym jáne joǵary bilim mınıstriniń jastar isi jónindegi keńesshisi Aısulý Ernııazova arnaıy keldi. Qalalyq ishki saıasat jáne jastar isteri jónindegi basqarma basshysy Muratjan Shotanov ta baıqaýdyń qonaǵy boldy. О́z kezeginde shahardaǵy joǵary oqý oryndarynyń stýdentteri toly zal jastar jıynynyń kórigin qyzdyra tústi.
Is-sharada alǵashqy bolyp sóz bastaǵan A.Ernııazova stýdentterdi merekelerimen quttyqtap, memlekettiń keleshek ustyny jastar ekenin aıtyp, olardy tolǵandyrǵan kez kelgen másele ashyq talqylaný qajettigin atap ótti.
– Biz keshe ǵana Túrkistan qalasynda boldyq. Onda mınıstrlik janyndaǵy stýdentter keńesiniń alǵashqy otyrysyna qatystyq. Tutas respýblıkadan kelgen 80-nen astam joǵary oqý oryndary stýdentteriniń delegattarymen birge bilim salasyndaǵy kúıip turǵan birneshe máseleni talqyǵa saldyq. Sonymen birge stýdentter tarapynan qoıylǵan suraqtarǵa jaýap bere otyryp, olardyń da utymdy usynystary men oıly pikirlerin tyńdadyq. Endigi jerde osy usynystardy basshylyqqa alyp, sol arqyly aýqymdy da mańyzdy jobalardy júzege asyramyz. Álbette, jastardyń boıynda bula kúsh bar. Qoǵamnyń aınasy da jastar. Sondyqtan búgindi ózgertetin, keleshekti jarqyn etetin, el erteńin qalyptastyrýshy stýdent jastar dep bilsek, olardyń da máselesine kóńil bólip, barynsha ashyqtyq pen erkindik mazmunynda baılanys ornatýymyz kerek, – dedi Ǵylym jáne joǵary bilim mınıstriniń jastar isi jónindegi keńesshisi.
Osy tusta aıta ketken jón, Shymkent qalasynda joǵary oqý oryndary arasynda ózin ózi basqarý júıesiniń engizilgenine birshama ýaqyt boldy. Osy aralyqta qyrkúıek aıynan bastap stýdentter ortasynda zııatkerlik oıyndardyń saıysy bastaldy. Jastar osyndaı baıqaýda ózderin jaqsy jaǵynan kórsete bildi. О́z oılaryn ashyq jetkizýdi, pikirlesý barysynda óz ustanymyna basqalardy sendire bilýdi úırendi. Sonymen birge kóshbasshy stýdentter ózderiniń belsendiligin baıqatyp, jalpy jastar osy saıystar arqyly ózara tájirıbe almasty.
– Búgingi tańda Shymkent qalasyndaǵy turǵyndardyń 240 myńnan astamyn jastar quraıdy. Megapolıste Prezıdent tapsyrmasyna sáıkes tıimdi jastar saıasatyn júrgizý kezeń-kezeńimen júzege asyrylyp keledi. Sonyń birden-bir aıǵaǵy retinde «Smart student» sekildi aýqymdy jobany erekshe ataýǵa bolady. Eń mańyzdysy, osyndaı jobalar arqyly jastardyń óresi ósedi. Bilimin arttyrý nátıjesinde keleshekte budan da úlken múmkindikterge qaraı jol ashylady. Qazirgi qoǵamda jastardyń tabandy eńbek etýi mańyzdy. Qalamyzdy gúldendiretin, ádiletti Qazaqstandy quratyn erteńgi jastar. Osy jolda bizge úlken senim artylyp otyr. Iаǵnı jastar memleketti órkendetý isine belsene atsalysar bolsa, elimizdiń jaqyn keleshekte úlken jetistikterge qol jetkizetinine óz basym kámil senemin. Joǵary oqý ornynda tálim alyp jatqan jastardyń stýdenttik shaǵy Qazaqstannyń tarıhı kezeńimen tuspa-tus kelip otyr. Memleket basshysy Qasym-Jomart Toqaevtyń bastamasymen elimizde aýqymdy reformalardyń bastalǵanyn bilesizder. Ár salada qolǵa alynyp jatqan is kóp. Halqymyz ashyq ári ádil qoǵam qurýdy qoldap, sol ıdeıa tóńiregindegi birlik týy astynda toptasyp jatyr. Sondyqtan eldiń jańǵyrýy álbette jastarǵa tamasha múmkindik syılaıdy. Sonymen birge zor jaýapkershilik júkteıtinin de esten shyǵarmaǵan abzal. Endeshe, stýdent jastardy ıntellektýaldy jobalarda belsendi bolýǵa, bıikke samǵaýǵa shaqyramyn. Al búgingi joba jeńimpazdarynyń marapaty qutty bolsyn, árdaıym joldarynyń ashyq bolǵanyn tileımin, – dedi basqarma basshysy Muratjan Shúkirhanuly.
Merekelik is-shara sońynda basqarma basshysy jobaǵa belsene atsalysqan jáne júldeli oryn alǵan jastarǵa arnaıy syılyqtar tabystady. Jarys qorytyndysyna kelsek, I oryndy Ońtústik Qazaqstan memlekettik pedagogıkalyq ýnıversıteti aldy. Ońtústik Qazaqstan medısına akademııasy II oryn ıelendi. Akademık Qýatbekov atyndaǵy Halyqtar dostyǵy ýnıversıteti III orynǵa turaqtady. Zııatkerlik saıysta oza japqan barsha jeńimpazdar dıplommen jáne qarjylaı syılyqpen marapattaldy.
ShYMKENT
