Ranking.kz sarapshylary naqtylaǵandaı, ótken jyldyń uqsas kezeńinde memlekettik bıýdjettiń kiristeri 11,3 trln teńgeni qurap, bir jylda 10,4%-ǵa ulǵaıǵan.
Memlekettik bıýdjet kiristeriniń 71,9%-y salyq túsimderin qurady. Onyń ishinde qosylǵan qun salyǵynan túsetin túsimder - 4,2 trln teńgeni, tabys salyǵy - 3,8 trln teńgeni, halyqaralyq saýdaǵa jáne syrtqy operasııalarǵa salynatyn salyqtar - 1,6 trln teńgeni, áleýmettik salyqtar - 741,2 mlrd teńgeni, menshik salyǵy - 351,5 mlrd teńgeni qurady.
Aıta ketsek, salyqtyq emes túsimder bir jylda 39,5%-ǵa, 343,7 mlrd teńgege deıin ósti. Onyń ishinde memlekettik menshikten túsetin kirister 140,4 mlrd teńgeni, memlekettik mekemeler salatyn aıyppuldar, ósimpuldar, sanksııalar, óndirip alýlar - 79,4 mlrd teńgeni, memlekettik bıýdjetten qarjylandyrylatyn memlekettik mekemelerdiń taýarlar men qyzmetterdi satýdan túsetin túsimder - 2,5 mlrd teńgeni qurady.
«Negizgi kapıtaldy satýdan túsetin túsimder bir jylda birden 33,8%-ǵa, ıaǵnı 171 mlrd teńgege deıin ósti. Onyń ishinde memlekettik mekemelerge bekitilgen memlekettik múlikti satýdan túsken kirister - 145,9 mlrd teńgeni, jer men materıaldyq emes aktıvterdi satýdan - 23,8 mlrd teńgeni qurady. Transfertter túsimderi bir jylda 7,6%-ǵa, ıaǵnı 3,7 trln teńgege deıin ulǵaıdy», delingen sarapshylardyń habarlamasynda.
