«Úlken suranys kútiletinin eskere otyryp, reaktorlar kóp mólsherde salynady degen oıdamyz, Qazatomónerkásip te ornynda otyrmaıdy. Biz - sońǵy 10 jyldaǵy eń iri óndirýshimiz. Bizde ýran óndirýdiń eń ekologııalyq ádisi bar», dedi Asqar Batyrbaev Sochıde ótip jatqan «ATOMEKSPO-2022» halyqaralyq forýmy barysynda.
Ol sondaı-aq elimizdiń ýran qory jaıly birqatar aqparat berdi.
«Qazaqstan - ýran óndirý kólemi boıynsha ekinshi orynda. Bizde álemdik qorlardyń 12%-y bar. Barlanǵan qorlar - 125 myń tonnany, al resýrstar - 785 myń tonnany quraıdy», dedi Asqar Batyrbaev.
Aıta ketsek, Qazatomónerkásiptiń ókili forýmǵa qashyqtan qatysyp jatyr.
Sochıde «Sırıýs» ǵylym jáne óner parkinde «ATOMEKSPO-2022» halyqaralyq forýmy – álemdik atom salasynyń negizgi kongress-kórme is-sharalarynyń biri jumysyn bastady.
Forým aıasynda memlekettik qurylymdardyń basshylary, álemdik atom ındýstrııasynyń iri vendorlary men kompanııalary, qoǵamdyq uıymdar men halyqaralyq sarapshylar atom tehnologııalary men ınnovasııalyq damýdyń ózekti máselelerin talqylaıdy.
