Qoǵam • 22 Qarasha, 2022

Jańa gaz týrbınasy

52 ret kórsetildi

Aqtóbe jylý elektr ortaly­ǵynda qýattylyǵy 57 MVt-qa teń jańa gaz týrbınalyq qondyrǵy iske qosyldy. Sal­tanatty is-sharaǵa Aq­tóbe oblysynyń ákimi Eraly Toǵ­janov, Energetıka vıse-mınıstri Jandos Nur­ma­ǵan­betov, Eýrazııalyq damý ban­kiniń basqarýshy dırektory Aleksandr Gareev qatysty.

Aqtóbe jylý elektr ortalyǵy elektr qýatyn 1943 jyldan bastap óndirip keledi. Oblys ortalyǵy turǵyndary men kásiporyndaryn ortalyqtandyrylǵan jylý jáne elektr qýatymen seksen jylǵa jý­yq ýaqyt boıy qamtamasyz etip kelgen ortalyqtyń jabdyqtary es­kirgendikten, 2020 jyly ká­sip­orynda qaıta jańǵyrtý jumystary bastaldy. Eki jyl ishinde negizgi qural-jabdyqtary men qondyrǵylary aýystyryldy. Qaıta jaraqtandyrý kezinde óndiris úderisin barynsha avtomattandyrýǵa múmkindik beretin ozyq tehnologııalar paıdalanyldy.

Jańa gaz týrbına qondyrǵysy tolyq iske qosylsa, Aqtóbe jylý elektr ortalyǵynda qýat óndirý kó­lemi 118 MVt-tan 175 MVt-qa ar­typ, jylyna 423 mln kVt saǵat elektr qýaty alynady. Gaz týrbınasynda jumys isteýge jańa mamandar tartylyp, 40-tan astam jańa jumys orny qurylmaq. Bul jobanyń quny 20,9 mlrd teńgege teń. Onyń 15,98 mlrd teńgesin Eýrazııalyq damý ban­ki nesıelik kelisim negizinde qar­jylandyrady.

Aıta ketý kerek, Aqtóbe oblysynda elektr qýatyn tutyný mólsheri jylyna 900 megavatqa teń. Jyl saıy­n turǵyndar men kásiporyndar tarapynan elektr qýatyn tutyný mólsheri artyp barady. Aldaǵy on­jyldyqta óńirde elektr qýatynyń jyldyq tutyný mólsheri 1 500 MVt-qa ul­ǵaımaq. Búginde Aqtóbe oblysyna jet­ki­ziletin elektr qýatynyń teń jar­­tysy óz elimizde óndirilse, qal­ǵany Reseı Federasııasynyń Orynbor oblysynan tasymaldanady. Qala turǵyndary sanynyń artýy­men, jańa kásiporyndardyń iske qosylýymen elektr qýatyn tu­tyný mólsheri kúrt artyp, qosym­sha qýat kózderin tabý ózekti máselege aınaldy.

«Bul – óńir úshin mańyzdy joba. О́ıtkeni búginde Aqtóbe oblysy elektr energııasynyń bir bó­ligin syrt­qy kózderden alyp otyr. Osy jobany iske asyrý týraly ın­ves­tısııalyq kelisimge 2021 jyly qol qoıyldy. О́zderińiz kórip tur­ǵandaı, eki jylǵa tolmaıtyn ýaqyt ishinde aýqymdy jumys atqaryldy», dep atap ótti Energetıka vıse-mınıstri Jandos Nurmaǵanbetov.

Oblys ákimi Memleket basshy­synyń tapsyrmasyna sáıkes balamaly qýat kózderin paıdalaný boıynsha jumystar belsendi túrde jalǵasa beretinin atap ótti.

«Bizdiń oblysymyzdyń ener­getı­kalyq qajettiligin jáne qaýip­sizdigin qamtamasyz etýge mem­lekettiń, bız­nestiń jáne jalpy qo­ǵam­nyń bir­lesken kúsh-jigeri qajet», dedi E.Toǵjanov.

Bıylǵy jazda ERG kompanııasy Hromtaý aýdanynda qýattylyǵy 155 MVt bolatyn jel elektr stan­sasynyń qurylysyn bastady. Budan basqa 2020 jyly jáne 2021 jyldary Qarǵaly aýdanynda Eni ıtalııalyq iri transulttyq korporasııasy qýattylyǵy 96 MVt bolatyn jel elektr stansasyn iske qosty. Bul jeldiń qýatynan elektr qýatyn óndirý jobasy jasyl energetıkany, sonyń ishinde balamaly qýat kózderin iske qosý baǵytynda qolǵa alynǵan jumystar. ERG kom­panııasynyń Hromtaý aýdanynyń Dóń eldimekeni janynda turǵyzǵan jeldiń qýatyn elektr qýatyna aınaldyratyn baǵanalary Muǵaljar qyrattarynyń kúshti aýa aǵyny ótetin bóliginde ornalasqan.

 

Aqtóbe oblysy

Sońǵy jańalyqtar

Munaı baǵasy 16% tómendeıdi

Ekonomıka • Búgin, 11:30

Búgin aýa raıy qandaı bolady?

Aýa raıy • Búgin, 09:33

Elimizde 49 adam indet juqtyrdy

Koronavırýs • Búgin, 09:14

Jańarǵan júıe jaýapkershiligi

Saılaý • Búgin, 08:58

Jańa elektr stansasy salynady

Qoǵam • Búgin, 08:55

Saıyndaǵy sý daýy

Aımaqtar • Búgin, 08:50

Top jarǵan úsh ǵalym

Bilim • Búgin, 08:45

Jalǵan habar taratqanǵa jaza qatań

Qoǵam • Búgin, 08:40

Qyrǵyzdyń óńindeı...

О́ner • Búgin, 08:35

Ana men bala amandyǵy

Medısına • Búgin, 08:35

Saıası alańdaǵy ustanym

Saılaý • Búgin, 08:25

Áleýmettik jobalardyń áleýeti

Úkimet • Búgin, 00:01

Uqsas jańalyqtar