«О́ńirlermen jer telimderin bólý boıynsha jumys júrgizdik. Qazir 14 óńirde bul jumys aıaqtaldy. Ekinshiden, bólingen jer ýchaskelerinde ınjenerlik jelilerdi júrgizý qajet, ol úshin jergilikti bıýdjetten qarajat bólinedi. Ákimdikter bul baǵytta jumys júrgizip jatyr. Atalǵan jobada telemedısınany damytý qarastyrylǵan, bul úshin ınternet qajet. Jergilikti bıýdjetterde qarajat qarastyrylǵan, jergilikti atqarýshy organdarǵa tıisti hattar joldandy», dedi Ajar Ǵınııat búgingi Úkimet otyrysynda.
Úkimet basshysy Álıhan Smaıylov aýyldyq densaýlyq saqtaýdy jańǵyrtý jónindegi ulttyq joba aýyldarda medısınalyq qyzmet kórsetý sapasyn arttyrý úshin ázirlengenin eske saldy. Ol úshin barlyq ınfraqurylymdy jańǵyrtý qajet.
«Joba aıasynda 655 alǵashqy medısınalyq-sanıtarlyq kómek nysany salynyp, qaıta jańǵyrtylady. Sondaı-aq jumys istep turǵan 12 aýrýhana jóndeý jumystarynan ótkizilip, 20 jańa aýdandyq aýrýhana ashylady. «Aýyl – el besigi» sııaqty basqa jobalar sheńberinde medısınalyq obektiler salynady. Aýyl turǵyndary úshin barlyǵy 700-ge jýyq medısınalyq nysan ashylady. Ol úshin jergilikti atqarýshy organdar jer ýchaskelerin jedel qamtamasyz etip, ınjenerlik kommýnıkasııalar júrgizý máselelerin oılastyrýy qajet», dedi Álıhan Smaıylov.
