Qalalyq TJD búginde muzdyń qalyńdyǵy 2-4 sm-ge jetkenin eske saldy, sondyqtan oǵan shyǵý qaýipti.
Bir adamǵa arnalǵan muzdyń qaýipsiz qalyńdyǵy keminde 7 sm-den kem bolmaýy tıis. Al jaıaý ótkelderdiń qalyńdyǵy 15 sm bolýy kerek.
Sý qoımasyndaǵy muzdyń qalyńdyǵy barlyq jerde birdeı emes, ózenderdiń saǵalary men salalarynda muzdyń beti álsireıdi.
TJD qyzmetkerleriniń aıtýynsha, muzdyń beriktigin kózben anyqtaýǵa bolady: kók muz – berik; aq bolsa onyń beriktigi 2 ese az; sur, kúńgirt aq nemese sarǵysh reńkti muz senimsiz.
Sýǵa batyp ketseńiz ne isteý kerek:
- Úreılenbeńiz, kenetten qımyl jasamańyz, tynys alýdy turaqtandyryńyz.
- Qoldaryńyzdy eki jaqqa jaıyp, deneńizge aǵys baǵytynda kóldeneń pozısııa berip, muzdyń shetine ilinýge tyrysyńyz.
- Keýdeńizdi muzdyń shetine aqyryn qoıyp kórińiz jáne bir aıaǵyńyzdy, sodan keıin ekinshi aıaǵyńyzdy muzǵa laqtyryńyz.
- Eger muz tótep berse, baıaý jorǵalańyz nemese jaǵaǵa qaraı domalańyz.
- Qaı jaqtan keldińiz sol jaqqa qaraı jorǵalańyz, óıtkeni mundaǵy muz qazirdiń ózinde beriktikke tekserilgen.
TJD qyzmeti qaýipsizdik erejelerin qatań saqtaýǵa shaqyrady.
