«2022 jylǵy 18 qarashada Astana qalasynyń mamandandyrylǵan aýdanaralyq tergeý soty kúdikti Muhamedıuly Arystanbekke qatysty qamaýǵa alý túrindegi sanksııalanǵan bultartpaý sharasynyń merzimin bir aıǵa uzartty», dep habarlady Astana sotynyń baspasóz qyzmeti.
2022 jyldyń mamyrynda burynǵy Mádenıet jáne sport mınıstri Arystanbek Muhamedıulynyń qamaýǵa alynǵany belgili boldy. Sol ýaqytta A. Muhamedıuly Ulttyq mýzeıdi basqardy. 28 mamyrda sottyń sanksııasymen oǵan qatysty «qamaý» bultartpaý sharasy tańdaldy.
Sybaılas jemqorlyqqa qarsy qyzmet Ulttyq mýzeıdiń laýazymdy tulǵalaryna jáne basqa da tulǵalarǵa qatysty «Altyn adamnyń murajaılary arqyly ótýi» halyqaralyq kórmesin ótkizýge memlekettik satyp alý týraly shart boıynsha 146 mıllıon teńge bıýdjet qarajatyn jymqyrdy degen aıyppen tergeý júrgizdi.
