Onkúndik aıasynda qalada qoǵam nazaryn aýdarýǵa baǵyttalǵan túrli aýqymdy is-sharalar ótedi.
«Teńdik ýaqyty!» taqyryby aıasynda 10 kún ishinde qala turǵyndaryn AITV ınfeksııasyn juqtyrýdyń aldyn alý máseleleri boıynsha, ásirese jastar arasynda habardar etý jáne barlyq múddeli taraptyń vedomstvoaralyq ózara is-qımylyn nyǵaıtý arqyly qaýipsizdikti qalyptastyrý, kemsitýshilikti joıý sııaqty is-sharalar ótkiziledi.
Onkúndiktiń ashylýy qalalyq №4 emhanada ashyq esik kúnin uıymdastyrýmen bastaldy.
28 qarasha kúni Astana qalasynyń kommýnıkasııalar qyzmeti Facebook jelisiniń tikeleı efırinde elordalyq AITV ınfeksııasynyń aldyn alý ortalyǵynyń mamandary efırge shyǵyp AITV máseleleri tóńireginde baıandama jasaıdy.
Al 29 qarasha kúni qalamyzdaǵy iri oqý oryndarynyń biri QazUО́Ý «Shabyt» ýnıversıtetinde stýdentter arasynda aýqymdy aksııa ótedi.
Osy is-sharalarmen qatar, 21 qarasha men 1 jeltoqsan aralyǵynda ortalyq mamandary halyqtyń kóptep jınalatyn oryndarynda «Nurly jol» jáne Astana temir jol vokzaldarynda, «Hanshatyr», «Kerýen» saýda ortalyqtary men «Artem» bazarynda, «Álem» saýda úıinde AITV-ınfeksııasynyń aldyn alý týraly aqparattyq-bilim berý materıaldaryn taratýmen, psıhoáleýmettik keńes berý, turǵyndarǵa arnalǵan «AITV-ǵa testten ót» aksııasy sheńberinde ekspress-testileý uıymdastyrylady.
Ortalyqta tirkelgen, AITV-men ómir súretin áleýmettik az qamtylǵan otbasylarǵa azyq-túlik jıyntyǵy beriledi.
Barlyq is-shara Qoǵamdyq densaýlyq saqtaý basqarmasymen, Bilim basqarmasymen, Qazaq ulttyq óner ýnıversıtetimen jáne úkimettik emes uıymdarmen birlesip ótkiziledi.
Onkúndiktiń qortyndysy 1 jeltoqsanda ótedi.
