Medısına • 24 Qarasha, 2022

Ekinshi ómir syılaǵan

21 ret kórsetildi

Shymkenttiń medısına tarıhynda alǵash ret máıit donorlyǵy boıynsha baýyrǵa transplantasııalyq operasııa jasaldy. Kúrdeli ota barysynda altyn qoldy dárigerler donor retinde máıittiń baýyryn hırýrgııalyq ádispen alyp, naýqasqa qondyrdy. Jalpy operasııa alty saǵattan asa ýaqytqa sozyldy.

Al baýyr múshesin almastyrǵan naýqas bes jyldan beri sozylmaly baýyr sırrozymen esepte turǵan eken. Osylaısha, 1978 jyly týǵan megapolıs turǵynyna qalalyq №1 klınıkalyq aýrýhana dárigerleri máıitten alynǵan aǵzany sátti qondy­ryp berdi. Osy rette naýqas pen onyń týys­tary kúrdeli ota jasaǵan klınıka aýrýhanasynyń bilikti dárigerler komandasyna zor alǵy­syn bildirdi. Operasııa­dan keıin jaǵ­daıy jaqsarǵan naýqas keshe ǵana rea­nımasııalyq bólimsheden jaı pala­taǵa aýystyryldy.

Rasymen de mundaı operasııa elimizdiń ońtústik óńirinde birinshi ret jasalypty. Al transplantasııalyq otanyń júrgi­zilýine marqumnyń týystarynyń máıit donorlyǵyna zańdy túrde bergen kelisimi sebep bolǵan.

Operasııany 16 qarasha kúni tańǵy saǵat tórtten bastadyq. Máıit donorynyń ózge de aǵzalary Astana men Almaty qalasyndaǵy emdeý mekemelerine san­avıasııanyń kómegimen jóneltildi. Ota sátti aıaqtaldy. Tórtinshi táýlikte naý­qas ornynan turyp, ózdiginen júre bas­tady. Qazirgi tańda jaǵdaıy birshama táýir. Jalpy medısına praktıkasynda máıit donorlyǵyna baılanysty operasııa sırek jasalady. О́z kezeginde do­nor jetispeýshiligi máselesi dúnıe júzi boıynsha búgingi tańda óte ózekti problemanyń biri sanalady, – dedi qala­lyq №1 klınıkalyq aýrýhanasynyń bas dárigeri Abylaı Donbaı. Aıta ketý kerek, Shymkentte aǵza almas­tyrý boıyn­sha alǵashqy ota 2013 jyly ja­salǵan. Mine, sodan beri shaharda búırek, baýyr al­mastyrý operasııalary megapolıs medısı­nasynyń ajyramas bóligine aınaldy.

Qalalyq №1 klınıkalyq aýrýhana­synda emdeý máselesine qatysty túrli ıgi is-sharalar uıymdastyrylyp turady. Máselen, bıyl klınıka «Izgilikte jary­saıyq» atty qormen ózara memorandým túzip, sonyń nátıjesinde 100 ana men olar­dyń kishkentaı balalaryna tegin medısı­nalyq kómekter kórsetildi. Ana­lar aqysyz medısınalyq tekserýden ótse, mektep tabaldyryǵyn endi attaǵan er balalarǵa sırkýmsezııa jasaldy, ıaǵnı súndetteldi.

Sonymen birge klınıkalyq aýrýhanada osy jyly aqparat alý ortalyǵy ashyldy. Osy ortalyq arqyly kez kelgen azamat ózine qajetti barlyq aqparatty ala alady. Tipti kóńilin surap kelgen naýqastyń emdeýshi dárigeri kim, qaı bó­limshe, palatada jatqanyna deıin bilýine bolady. Aqparattyq ortalyqta, bilikti dárigerler keńes beredi. Orta medısına qyzmetkerleri de emdelýshiniń ahýaly týraly jaǵdaıdy baıandaıdy.

Klınıkalyq aýrýhananyń bas dári­­geri A.Donbaıdyń málimdeýinshe, búginge deıin tiliksiz ota jasaıtyn laproskopııalyq 5 apparat, travmotologııada qoldanylatyn artroskopııalyq jabdyq pen zamanaýı ÝDZ apparattary satyp alynǵan. Buǵan qosa jýyrda ǵana bas mıyna, júrekke ota jasaıtyn angıografııalyq kabınet ashyldy. Tusaýkeser rásimine respýblıkaǵa tanymal dáriger Serik Aqsholaqovtyń ózi kelip qatysty. Qazirgi tańda Astana tórindegi neırohırýrgııalyq ortalyqtan attaı qa­lap aldyrǵan 2 bilikti maman atalǵan klınıkada jemisti qyzmet atqaryp jatyr. Neırohırýrg dárigerlerdiń kómegimen julyn omyrtqasyna, bas mıyna kúrdeli otalar jasalýda. Sondaı-aq qalalyq №1 klınıkalyq aýrýhanasynyń bazasyn­da travmotologııa, ortopedııa qyzmet­teri jandanyp keledi. Bul medısınalyq kómekti de jergilikti turǵyndarǵa el­orda­lyq mamandar kórsetip otyr. Sol sekildi respýblıkanyń bas qalasynan muryn, tamaqty emdeıtin dáriger arnaıy shaqyrtyldy. Osyǵan oraı klınıkada lor bólimshesi ashyldy. Buǵan deıin qalalyq №1 aýrýhanada 180-nen asa búırek orga­­ny aýystyrylypty. Budan bólek otyz shaq­ty baýyr múshesi transplantasııalanǵan. Aýrýhanada apta saıyn búırek, aı sa­ıyn baýyrdy aýystyrý boıynsha kúrdeli otalar jasalady. Sondyqtan bas dáriger transplantologııa klınıkanyń kún­de­likti jumysyna aınalǵanyn aıtady. ­Jal­py, klınıka Shymkenttegi medısınalyq týrızmdi órkendetý jolynda úlken is tyndyryp otyr. Sonyń bir aıǵaǵy, osy kúnderi bilikti neırohrýrgter Tájikstan men kórshiles elderde ózderiniń qansha­ma sheberlik sabaqtaryn ótkizip úlger­di. Atalǵan memleketterden Shymkenttegi klınıkadan em qabyldaýǵa naýqastar da kóptep kelýde.

О́z kezeginde qalalyq aýrýhana sha­rýashylyq júrgizý quqyǵyndaǵy mekeme sanatynda bolǵandyqtan tájirıbesi bar, bilikti mamandardy syrttan shaqyrtady. Budan basqa dárigerlerdiń uzaq ýaqyt osynda turaqtap qalýy úshin klınıka basshylyǵy olarǵa barynsha jaǵdaı jasaýǵa tyrysyp baǵýda. Aıtalyq, bilik­tiligi joǵary mamandardyń barlyǵyna turaqty jalaqsynan bólek qosymsha ústemeaqy tóleý qarastyrylǵan. Jáne de dárigerler aýrýhanada zamanaýı qural-jabdyqtarmen jumys isteıdi. Klınıka ákimshiligi sonymen qosa tájirıbeli mamandardy qyzmettik pátermen de qam­tamasyz etip otyr. Al olardan talap etiletini – tek naýqastyń jaǵdaıyna qarap, sapaly medısınalyq qyzmet kórsetý.

 

ShYMKENT

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar