Memlekettik qyzmet isteri agenttigi habarlaǵandaı, aýdan ákimi qyzmetkerlerin balaǵattap, dóreki sóılegen.
«Keshe, 23 qarasha kúni ǵalamtor keńistiginde Batys Qazaqstan oblysy Báıterek aýdanynyń ákimi Marat Toǵjanovtyń tóraǵalyǵymen ótken májiliste jazylǵan aýdıojazba tarady. Aýdıojazbanyń mazmunyna qaraǵanda, aýdan ákimi qyzmetkerlerimen dóreki sóılesken. Aıta ketsek, QR memlekettik qyzmetshileriniń ádep kodeksinde moraldyq ádepke baılanysty qoıylatyn talaptar anyq kórsetilgen. Osyǵan baılanysty Memlekettik qyzmet isteri agenttigi ádep kodeksin buzyp, áriptesterin balaǵattaǵan laýazymdy tulǵaǵa qatysty qyzmettik tergep-tekserý sharalaryn bastaýdy uıǵardy. Atqarylǵan jumystardyń qorytyndysy negizinde tıisti sheshim qabyldanady», delingen agenttik taratqan habarlamada.
