«Ishki naryqtyń jyl saıynǵy qajettiligi shamamen 165 myń tonnany quraıdy, bul óndirilgen kólemnen az. Osylaısha, byltyrǵy qaldyqtar men jańa eginniń bolýy Qazaqstan halqynyń kúrishke degen qajettiligin qamtamasyz etý úshin jetkilikti bolatynyn senimdi túrde atap ótýge bolady. Sonymen qatar artyq ónim basqa elderge eksporttalady. 2022 jyldyń 8 aıynda 67,8 myń tonna eksporttaldy.
Sonymen qatar bıyl Qazaqstan aýmaǵyndaǵy kúrishtiń egis alqaby 87,8 myń gektardy qurady, bul 2021 jylǵy deńgeıden 8,4 myń gektarǵa az. Kúrish alqaptarynyń qysqarýynyń negizgi sebebi – vegetasııalyq kezeńde qajet sýarmaly sý tapshyǵy máselesi. Aıta ketý kerek, Úkimet kúrish pen maqta daqyldaryn azaıtý máselesine óte salmaqty qarady, óıtkeni bul másele áleýmettik jáne ekonomıkalyq sıpatqa ıe», delinedi mınıstrlik habarlamasynda.
Kúrish melıorasııalyq daqyl sanatyna kirýi sebepti, ınjenerlik-daıyndalǵan jerlerdiń qaıtalama tuzdanýyna jol bermeý óte mańyzdy. Bul úshin buryn kúrish ósirilgen jerlerde ylǵal syıymdylyǵy az jáne tuzǵa tózimdi daqyldardyń egistikteriniń úlesin arttyrý qajet. Osy jáne ǵylymı negizdelgen aýyspaly egisterdi engizý boıynsha jumys júrgizilip jatyr dep málimdedi vedomstvo.
