Qazan aıynan bastap Astana men Almaty qalalarynyń mektepterinde Bilim berýdegi jańa tehnologııalar ǵylymı-ádistemelik ortalyǵynyń qoldaýymen bastaýysh synyp oqýshylaryna arnalǵan aspazdyq sheberlik baıqaýy júrip jatyr, dep jazady Egemen.kz.
Atalǵan baıqaý elimizde 2013 jyldan beri iske asyrylyp kele jatqan «Salaýatty tamaqtaný mektebi» bilim berý baǵdarlamasynyń bir bólshegi.
Búgingi tańda dúken sórelerinde ne kóp, qarasań kózdiń jaýyn alatyn túrli táttiler men gazdalǵan sýsyndar kóp. Kóshede aldyńnan shyǵatyn qoljetimdi azyq-túliktiń basym bóligi qaryn toıdyrǵanymen, densaýlyqqa paıdasy az, tipti kerisinshe zııan da bolýy múmkin. Sondyqtan bul bastama – oqýshylardyń dámdi de paıdaly taǵam daıyndaýǵa degen qyzyǵýshylyǵyn qalyptastyrýdy kózdeıdi. Baıqaý uıymdastyrýshylary aspazdyq daǵdylar durys tamaqtaný jáne salaýatty ómir salty mádenıetiniń mańyzdy quramdas bóligi ekenine senimdi. Bul daǵdylar balalarǵa óz densaýlyǵyn kútýge, jaqyndarynyń da densaýlyǵyna qamqor bolyp, otbasylyq dástúrlerge uqypty qaraýǵa septesedi.
Aıtqandaı, aspazdyq baıqaý 2023 jyly atap ótiletin «Salaýatty tamaqtaný mektebi» baǵdarlamasynyń 10 jyldyǵyna oraılastyrylǵan.
Baıqaý barysynda mektep oqýshylary muǵalimdermen jáne ata-analarmen birge birneshe aı boıy paıdaly taǵamdardy daıyndaýdyń qupııalaryn túsindiretin aspazshylardyń beıne-sabaqtarymen tanysady. Jas aspazdar dámdi tamaqtardy óz betinshe daıyndap qana qoımaıdy, sonymen qatar baǵdarlamanyń sıfrlyq platformasynda taǵamdardyń fotosýretterin ornalastyra otyryp, óz shyǵarmashylyǵynyń nátıjelerin basqa qatysýshylarmen bólisedi. Baıqaý qorytyndysy 2022 jyldyń sońynda shyǵarylady, al eń tanymal fotosýretterdiń avtorlary syılyqtarmen jáne dıplomdarmen marapattalady.
Almaty qalalyq Bilim basqarmasynyń Bilim berýdegi jańa tehnologııalar qalalyq ǵylymı-ádistemelik ortalyǵynyń bólim basshysy Tatıana Ejova: «Salaýatty tamaqtaný mektebi» baǵdarlamasy aıasynda muǵalimder oqýshylarmen kóptegen is-sharalar uıymdastyryp keledi. Biraq dál osy formattaǵy, balalardyń ata-analarymen birge bas-aspazshylardan beıne-sabaqtar arqyly tamaq daıyndaıtyn baıqaý alǵash ret ótkizilip otyr. Oqytý tásili turǵysynan alǵanda, bul dáristerdiń meńgerýdiń tamasha tásili. Baıqaý shyǵarmashylyqqa toly, al oǵan ata-analardyń da qatysýy bilim berý baǵdarlamasynyń tıimdigili men oń yqpalyn eki ese arttyrady», deıdi.
«Aspazdyq sabaqtary – paıdaly ádetterdi tárbıeleýdiń óte tıimdi quraly. Bizdiń zertteýlerimiz kórsetkendeı, mundaı sheberlik sabaqtaryna qatysý balalarǵa tamaq daıyndaý negizderin úıretip qana qoımaı, sonymen qatar paıdaly taǵamdardy tańdaýda olardyń qalaýyn qalyptastyrýǵa múmkindik beredi. Biz bul daǵdylar olar úshin búgin ǵana emes, bolashaq eresek ómirinde de paıdaly bolatynyna senimdimiz. О́ıtkeni, tamaq daıyndaýdy biletin jáne jaqsy kóretin adam óz densaýlyǵyna da, jaqyndarynyń densaýlyǵyna da qamqorlyq jasaı alady», deıdi 2030 jylǵa qaraı dúnıejúzindegi 50 mıllıon deıin balany salaýatty ómir saltyn ustanýǵa beıimdeýge atsalysyp otyrǵan «Nestle» bilim berý baǵdarlamalary bóliminiń basshysy Aleksandra Makeeva.
«Qajymuqannyń inisi». Túıe kótergen palýan
Qoǵam • Búgin, 21:38
Tazy asyraýshy Prezıdentke Naýryz esimdi kúshikti syıǵa berdi
Prezıdent • Búgin, 21:13
Ramazan aıynda qaı avtobýstar tegin qatynaıdy?
Qoǵam • Búgin, 21:03
Tarazdyq polıseıler joǵalyp ketken 6 jasar balany tapty
Oqıǵa • Búgin, 20:24
Astana qalasy boıynsha Qazynashylyq departamentine jańa basshy taǵaıyndaldy
Taǵaıyndaý • Búgin, 20:05
Sı Szınpın Pýtındi Qytaıǵa shaqyrdy
Álem • Búgin, 19:45
Uqsas jańalyqtar
