Elorda • 26 Qarasha, 2022

Polısııa elordadaǵy mıtıngke túsinikteme berdi

86 ret kórsetildi

26 qarasha keshki ýaqytta Astanadaǵy túngi klýbtardyń birinde jastarǵa arnalǵan mádenı-buqaralyq is-shara uıymdastyryldy. Uıymdastyrýshy kásipker sharaǵa 300-ge jýyq jastardy jınaǵan, dep habarlaıdy Egemen.kz Polisia.kz-ke silteme jasap.

Jıyn barysynda uıymdastyrýshy jınalǵandarǵa kórineý jalǵan aqparat berip, beıbit jınalystar ótkizýdiń zańda belgilengen tártibin buza otyryp, olardy óziniń jeke quqyqqa qaıshy maqsatyna qol jetkizý úshin zańsyz sherýge shaqyrǵan. Arandatý nátıjesinde qoǵamdyq tártip óreskel buzylyp, kólik jáne áleýmettik ınfraqurylymnyń tolyqqandy jumys isteýine kedergi jasalǵan.

Jıynǵa qatysýshylar polısııanyń zańsyz áreketti toqtatý týraly talabyn eskermeı, daýys zoraıtqyshty qoldanǵan. Uıymdastyrýshynyń shaqyrýymen tártipti buzýdy jalǵastyra bergen.

Qala turǵyndarynyń qaýipsizdigin qamtamasyz etý maqsatynda polısııa zańsyz áreketterdiń jolyn kesý sharalaryn qabyldaýǵa májbúr boldy. Bul rette zańsyz sherýge qatysýshylar qyzmetkerlerge baǵynbaı, qarsylyq kórsetti.

Qazirgi ýaqytta kináli adamdar anyqtalyp, polısııaǵa jetkizildi. Olardyń is-áreketterine belgilengen tártippen quqyqtyq baǵa beriledi.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar