Qazaqstan • 27 Qarasha, 2022

Energetıka mınıstrligi Ekibastuzdaǵy JEO apatyna qatysty pikir bildirdi

65 ret kórsetildi

Búgin Ekibastuz JEO-da saǵat 01.30-da jylý jelilerindegi zaqymdanýlarǵa baılanysty jelilik sýdyń qysymy tómendedi, nátıjesinde №11, 13, 14, 15 sý jylytý qazandyqtary toqtatyldy, sondaı-aq №8 energetıkalyq qazandyq qolmen toqtatyldy, dep habarlaıdy Egemen.kz.

Jergilikti jerde barlyq tehnıkalyq qyzmetterdiń, energetıkalyq kásiporyndar basshylyǵynyń jáne Energetıka mınıstrligi ókilderiniń qatysýymen oblys ákimi bastaǵan jedel shtab quryldy.

Qazirgi ýaqytta Ekibastuz JEO-da 4 qazandyq jumys istep tur, jylý jelisi aınalymda. Jylý jelilerindegi zaqymdanýdy joıýǵa jedel brıgadalar jumyldyryldy, oramdyq jelilerde 5 aqaý anyqtaldy, basqa da zaqymdanýlardy izdeý jumystary jalǵasýda.

Esterińizge sala keteıik, buǵan deıin Pavlodar oblysy Ekibastuz qalasy turǵyndarynyń Ekibastuz JEO-da júrgizilip jatqan jóndeý jumystarynyń barysy týraly shaǵymdary boıynsha QR Energetıka mınıstrligi quramynda Atomdyq jáne energetıkalyq qadaǵalaý men baqylaý komıtetiniń jáne ákimdiktiń ókilderi bar Arnaıy komıssııa (Komıssııa) qurǵan bolatyn.

2022 jylǵy 9-10 tamyz aralyǵynda komıssııa Ekibastuz JEO-da boldy. Sapar barysynda negizgi jabdyqtyń jóndeý jumystary jáne tómen teris temperatýralar kezeńinde júktemeni kóterý daıyndyǵy tekserildi.

Stansııany aralaý barysynda JEO basshylyǵyna jóndeý jumystaryn jedeldetý tapsyryldy. Jalpy, elektr stansııasynda 5 energetıkalyq jáne 5 sý jylytý qazandyǵy, sondaı-aq 1 bý týrbınasy ornatylǵan.

Komıssııa jylý qubyrlarynyń tozýynyń joǵary deńgeıin erekshe atap ótti, ol 70%-dan asady. Jylý qubyrlarynyń qazirgi tozýy jylý jelilerindegi, ásirese jylytý maýsymdarynyń basynda jyl saıynǵy joǵary apattylyqtyń negizgi sebebi bolyp tabylady.

Jylý jelileri qubyrlarynda jóndeý jumystarynyń qajetti jáne jetkilikti kólemin júrgizýge áser etetin negizgi júıeli problemalardyń biri jylý energııasyna qoldanystaǵy tómen tarıf bolyp otyr. Jylý qubyrlarynyń jalpy uzyndyǵy 342 km, jyl saıyn shamamen 3-4 km jylý jelileri aýystyrylady.

- Tabıǵı monopolııalar sýbektileriniń jylý energııasyn óndirý jáne berý tarıfterin belgileý Qazaqstan Respýblıkasy Energetıka mınıstrliginiń quzyretine jatpaıtynyn jáne tabıǵı monopolııalar sýbektilerin retteý jónindegi memlekettik organnyń quzyretine jatatynyn habarlaımyz, - delingen mınıstrlik habarlamasynda.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar