Aımaqtar • 27 Qarasha, 2022

Aıazdaǵy apat

97 ret kórsetildi

Saqyldaǵan sary aıazdyń saldarynan Ekibastuz qalasynyń jylý toraptarynda úlken apat oryn aldy. Shahardyń jylý júıesinde paıda bolǵan zaqymdanýdan ystyq sý tolassyz ysyrap bolyp, «Ekibastuzjylýenergo» JShS-yndaǵy 4 birdeı qazandyq toqtap qalǵan. Saldarynan qala boıynsha barlyq nysanda jylý batareıalary salqyndap, turǵyndar páterlerinde búrseń qaǵyp otyr. Al kópqabatty 130 úı jylýdan tolyqtaı ajyratyldy.

«Pavlodarenergo» AQ habar­laǵandaı, tótenshe jaǵdaı 27 qarasha kúni, túngi saǵat 01:20 shamasynda oryn alǵan. Áýeli sýdyń óte kóp mólsherde ysyrap bolýynan №11 qazandyq agregaty isten shyǵady, al arada 10 mınýt ótkende №13, 14, 15 qazandyqtary toqtaıdy. Sáıkesinshe shahardaǵy orta­lyqtandyrylǵan jylýǵa qo­sylǵan barlyq nysan, sonyń ishinde turǵyn úıler men áleý­mettik nysandarda jylý para­metrleri túsip ketti. Al ystyq sý múlde toqtatyldy.

Kómirli shaharda 150 myń­daı halyq turady. Apattyń adam aıtqysyz ekenin eskergen Pavlodar oblysynyń ákimi Ábilqaıyr Sqaqov jeksenbi kúni tańerteńgilik Ekibastuzǵa jedel jetip, jaǵdaıdy kózimen kórdi. Ákim áleýmettik jelidegi paraqshasynda jaǵdaıdy baıandap, qala  turǵyndaryn sabyrly bolýǵa shaqyrdy.

– Jylý-elektr ortalyǵynda qazir apat boıynsha shtab qu­rylyp, ózimniń birinshi  orynbasarym Oleg Krýk, Ekibastuz qalasynyń ákimi Aıan Beısekın, «Pavlodarenergo» AQ jáne Ekibastuz JEO basshylary jaǵdaıdy baqylaýda ustaýda. Saǵat 11:00-degi jaǵdaı boıynsha stansada sý tutyný úsh esege ósken. Sýdyń aǵyp ketýine test júrgizildi. Stansada sý azaıy­p jatqan joq. Bul jylý je­lilerinde apat oryn alǵanyn aıǵaqtap otyr. Birneshe drondy ushyryp, jylý toraptaryndaǵy on zaqymdaný ornyn anyqtadyq. Jylý jelileriniń bir tusynda úlken apat oryn alǵan bolýy kerek. Qala turǵyndarynan shy­damdylyq tanytýdy suraı­myz, – dedi Á.Sqaqov.

Buǵan qosa ákim jóndeý brıgadalary aqaý shyqqan jerlerdi joıyp jatqanyn  jetkizdi. Alaıda jylý qubyrlarynda túnde joǵalyp ketken 1 200 tonna ystyq sýdyń qaı tustan tesip shyqqany áli naqtylanbaǵan. Saǵat kúndizgi 16:00 shamasynda qosymsha sý joǵaltý kólemi 700 tonnany qurady dep habarlandy.

apr

Oblys ákiminiń birinshi orynbasary Oleg Krýk kópqabatty 130 turǵyn úı boıynsha jylý qubyrlaryndaǵy salqyndap ketken sý kezegimen aǵyzylyp jatqanyn aıtty. Osy arqyly jylytý júıesiniń júktemesin azaıtyp, naqty aqaý shyqqan jerlerdi tabý ońaı bolady.

– Jylý-energo ortalyǵynda 3 energetıkalyq qazandyq, 1 sý jylytatyn qazandyq jumys istep tur. Stansadaǵy tem­pe­ratýralyq parametrler 52-53 gradýsty kórsetip tur. Ony 60 gradýsqa deıin jetkizý kózdelip otyr. 15 jóndeý brıgadasy qurylyp, jylý qubyrlarynda oryn alǵan apattardy joıý­­men shuǵyldanýda. Taǵy 4 brı­gada ózge jerlerdegi yqtımal zaqymdanýlardy izdep jatyr, – dep habarlady Ekibastuz qalasynyń ákimi Aıan Beısekın.

Qalalyq bilim berý bólimi búgin shahardyń barlyq mek­tepteri oqýshylardy qashyqtan oqytatynyn habarlady. Keshe keshkisin ómirlik qıyn jaǵdaıǵa tap bolǵan balalardy qoldaý ortalyǵynyń 36 tárbıelenýshisi jáne «Jas órken» jasóspirimder úıiniń 11 oqýshysy Pavlodar qalasyna jetkizilip, №7 mektep-ınternatyna ornalastyryldy. Taǵy 29 bala «Bilim-ınnovasııa» lıseıine aýystyryldy. Qalada jalpy sany 25 mektep, 21 341 oqýshy bar.  Shahar aýrýhanalarynda jatqan 300 adamdy qajet bolsa Pavlodar men Aqsý qalalaryndaǵy emdeý me­kemelerine jetkizý josparlanyp otyr.

Jylýmen qamtý mekemesi jer úılerdiń turǵyndary júıeni qatyryp almaýy úshin óz bette­rimen jylý batareıalarynan aýyq-aýyq sý aǵyzýdy surap otyr.

 

Pavlodar oblysy,

Ekibastuz qalasy

Sońǵy jańalyqtar

Jańa baǵyt

Saıasat • Keshe

О́rt: qaýip pen saqtyq

Tótenshe jaǵdaı • Keshe

Jańa kólikter tabystaldy

Aımaqtar • Keshe

Qobyz ulyqtalǵan kesh

Qoǵam • Keshe

Esirtkige esirgender

Qoǵam • Keshe

El qorǵany er Bógenbaı

Tarıh • Keshe

Ultqa qyzmet etýdiń úlgisi

Ádebıet • Keshe

Tulǵa týraly týyndy

Ádebıet • Keshe

Jolbarys jymy

Ádebıet • Keshe

Jıyrmasynda jalyn keshken

Poezııa • Keshe

El senimin jalǵaǵan joba

Ekologııa • Keshe

Jelaıaqtar Astanada jınalady

Jeńil atletıka • Keshe

Jádiger bolyp jetken alǵys

Jádiger • Keshe

Jánibekti jekpe-jekke shaqyrdy

Kásipqoı boks • Keshe

Otpan taýdaǵy salbýryn

Qoǵam • Keshe

Uqsas jańalyqtar