Jıynǵa Energetıka vıse-mınıstri, «Ekibastuzjylýenergo» JShS basshylary, «OAEK» AQ aksıonerleri men jaýapty memlekettik organdardyń ókilderi qatysty. Ábilqaıyr Sqaqov taraptardyń esepterin tyńdap, tapsyrmalar berdi.
«Ekibastuzjylýenergo» JShS Bas dırektory Pavel Melnıchýktyń aıtýynsha, №11 qazandyqta qyzdyrý bóliginiń aqaýy anyqtalǵan. Qazir úsh energetıkalyq jáne eki sý jylytý qazandyǵy jumys isteıdi. Taǵy bireýin iske qosýǵa daıyndyq júrip jatyr. Temperatýra 70-ten 42-ge deıin saqtalyp tur.
- Jylý júıesiniń qalypty rejımin qalpyna keltirý jáne temperatýralyq aýytqýlar esebinen jańa aqaýlardy týdyrmaý úshin biz jylý berýdi tym jyldamdatpaýǵa tyrysamyz. Shamamen keshki saǵat segiz-toǵyzdarda №12 qazandyqty iske qosýdy josparlap otyrmyz, - dedi Pavel Melnıchýk.
Taraptardyń aqparaty boıynsha, saǵat 21:00-de №5A, 5B, 6 shaǵyn aýdandar jylýsyz qalady. Munda 149 kópqabatty turǵyn úı, 15 áleýmettik nysan jáne 12 zańdy nysan bar.
- Stansııadaǵy jaǵdaıdy turaqty deńgeıde ustap qaldyq, barlyq qazandyqtar jumys istep tur. Kómir men mazýt bar. JEO-da tehnologııalyq buzýshylyqtar joq. Barlyq másele jelilerge baılanysty bolyp tur. Basty kúrdeli másele - ortalyq magıstral sý astynda qaldy. Sýdy soryp alý úshin tıisti qyzmetter jumyldyryldy, - dedi «OAEK» AQ Basqarma tóraǵasy Baǵdat Oral.
Oblys ákiminiń birinshi orynbasary Oleg Krýktiń aıtýynsha qalada jylý jelilerindegi sý qubyrlarda saqtalyp qaldy, olar qatyp qalǵan joq.
- Aqaýlar shyǵý qaýpi bar ýchaskelerdiń sanyn azaıtý jáne jylý jelilerin iske qosý úshin barlyq qajetti sharalar júrgizilip jatyr. Qazir Máshhúr Júsip kóshesinde sý sorý jumystary atqarylýda. Sýdy soryp bolǵan soń, jaǵdaı túzelýi tıis, - dedi Oleg Krýk.
Ábilqaıyr Sqaqov jaǵdaı turaqty baqylaýda ekenin atap ótip, jylýdan ajyratylǵan úılerdiń turǵyndarymen túsindirý jumystaryn júrgizý úshin jeke mobıldi toptar qurýdy tapsyrdy.
Biz qalanyń jylý jelileriniń sırkýlıasııasyn saqtap qaldyq. Jaǵdaı turaqty. Qalanyń jylý júıesi buzylǵan joq. Men nysandardy aralap shyqtym, ondaǵy temperatýra rejımi ońtaıly. Ortalyqtaǵy birneshe shaǵyn aýdan jylýsyz tur. Sondyqtan bizdiń basty mindetimiz — aqaýlardyń ornyn anyqtap, olardy joıý úshin jedel brıgadalardy jiberý, - dedi oblys ákiminiń mindetin atqarýshy. - Bárin tez arada túzetip, aqaýlardy joıý kerek, ol úshin qajetti jóndeý brıgadalary bar.
Qazir Energetıka mınıstrliginiń energetıkalyq baqylaý komıteti tekseris bastady. JEO-da tórt rezervti qazandyq bar, olardyń bireýi jaǵylyp jatyr, jylý jelisiniń temperatýrasy kóterilip keledi.
Jedel shtabtyń otyrysyna deıin Ábilqaıyr Sqaqov apatty jylý jelilerin, óńirlik qıyn ómirlik jaǵdaıǵa tap bolǵan balalardy qoldaý óńirlik ortalyǵyn, Ekibastuz qalalyq aýrýhanasyn, №6 orta mektepti jáne kópqabatty turǵyn úılerdi aralap shyqty. 76 bala Ekibastuzdan Pavlodarǵa kóshirildi, onyń ishinde ómirlik qıyn jaǵdaıǵa tap bolǵan balalardy qoldaý ortalyǵynyń 36 tárbıelenýshisi bar. Sondaı-aq psıhıkalyq densaýlyq ortalyǵynyń 26 pasıenti úsh dárigermen birge oblys ortalyǵyna ornalastyryldy. Jeti bala ata-anasymen birge emdeýdi jalǵastyrý úshin sanıtarlyq kólikpen oblys ortalyǵyna jetkizildi.
Oblys ákiminiń mindetin atqarýshy óz orynbasarlarymen, beıindi basqarmalardyń basshylarymen, Ekibastuz qalasynyń ákimimen birge tańerteńnen beri TJ ornyna kelip, jaǵdaıdy jeke baqylaýyna aldy.
