Aımaqtar • 28 Qarasha, 2022

Qostanaı oblysynda esirtkiniń iri partııasy tárkilendi

44 ret kórsetildi

Qamysty aýdanynyń polıseıleri «Refleks» jedel aldyn alý sharasy barysynda aýyldyń 44 jastaǵy turǵynyn ustady, dep habarlaıdy Egemen.kz.

«Aýyl turǵynynyń úıinen jeke tintý kezinde 14 keli marıhýana tárkilendi. Saraptama qorytyndysyna sáıkes, anyqtalǵan zat keptirilgen marıhýanaǵa jatady. Atalǵan fakti boıynsha QR Qylmystyq kodeksiniń 297-baby «Esirtki satý» boıynsha sotqa deıingi tergeý amaldary bastaldy. Kúdiktige qatysty bultartpaý sharasy taǵaıyndaldy», dep túsindirdi polıseıler.

Esirtki qylmysyna qarsy kúres basqarmasynyń qyzmetkerlerimen jyl basynan beri barlyǵy 180 keliden astam túrli esirtki zattary zańsyz aınalymnan tárkilendi.

Qostanaı oblysy IID Esirtki qylmysyna qarsy kúres basqarmasy bastyǵynyń orynbasary Aıat Qartbaevtyń aıtýynsha, jedel aldyn alý sharalary aıasynda polısııa qyzmetkerleriniń basty mindeti - esirtki jáne sıntetıkalyq psıhoaktıvti zattardyń zańsyz aınalymynyń jolyn kesý.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 12:12

Prezıdent Jambyl oblysyna bardy

Qazaqstan • Búgin, 11:43

Uqsas jańalyqtar