Qoǵam • 30 Qarasha, 2022

Din men dinshildik – eki bólek uǵym

57 ret kórsetildi

2019-2022 jylǵy zertteý málimetterine zer salsaq, Shymkentte jastar arasyndaǵy dindarlyq 2 paıyzǵa ósken, al destrýktıvti dinı aǵymdardyń jete­ginde ketken jastar sany tómendegen. Mun­daı derekter qala­l­yq Din isteri bas­qar­masynyń uıym­dastyrýymen ótken «Jastar arasyndaǵy din men dinshildik» ta­qy­rybyndaǵy res­pýb­­lıkalyq ǵyly­mı-tájirıbelik forýmda aıtyldy.

Forýmǵa Aqparat jáne qoǵamdyq damý mınıstrligi Din isteri komıtetiniń ókilderi, aımaqtyq Din isteri jáne qoǵamdyq damý basqarmasy basshylary, ımamdar, QAJD ókilderi, joǵary jáne orta oqý oryndarynyń stýdentteri, mektep muǵalimderi men oqýshylary qatysty. Basqosýdyń negizgi maqsaty – jastardy destrýktıvti dinı ıdeologııalardyń yqpalynan saqtaý, qaýiptiń aldyn alý, jastar arasyndaǵy din men dinshildik taqyryptaryn talqylaý.

Jıyndy Shymkent qalasy ákiminiń birinshi orynbasary Shyńǵys Muqan ashyp, is-sharanyń mańyzdylyǵyna toqtaldy. Forým barysynda Din isteri komıtetiniń tóraǵasy Erjan Núkejanov, Qazaqstan musylmandary dinı basqarmasy tóraǵasynyń orynbasary, naıb múftı Kenjáli qajy Myrzabaev, Ońtústik Qazaqstan memlekettik pedagogıkalyq ýnıversıtetiniń rektory Gúljan Súgirbaeva, fılologııa ǵylymdarynyń kandıdaty, abaıtanýshy Omar Temirbekov jáne QMDB «Balabı qarı» Quran jattaý ortalyǵynyń dırektory Arman Qýanyshbaev, «Aqnıet» aqparattyq-nasıhattaý jáne ońaltý ortalyǵy» qoǵamdyq qorynyń keńesshisi Alım Shaýmetov baıandama jasady.

Baıandamashylar táýelsizdikpen birge jetpis jyl boıy keńes odaǵy tyıym salǵan asyl dinimizdiń qaıta oralǵanyn, 90-jyldardyń basy «óshkenimiz janyp, ólgenimiz tirildi» dep aıdar taqqan, táýelsizdikke táýbe aıtqan, ulttyń rýhanı jańǵyrǵan, qaıta túlegen kezeńi bolǵanyn atap ótti. Spıkerler elimizde osy jyldardan bastap meshitterdiń sany kóbeıip, dindi ustanýshylardyń sany artqanyn alǵa tartty. «Degenmen osy úrdisti syrtqy kúshterdiń, keıbir teris pıǵyldy toptardyń óz maqsattaryna paıdalanǵany ras. Ásirese áli oń-solyn tanymaǵan jastardyń teris aǵymdardyń jeteginde ketkeni jasyryn emes. Munyń saldary jeńil bolǵan joq. Tipti qasiretke aparyp soqty desek qatelespeımiz. Buǵan Almaty, Taraz, Aqtóbe sııaqty Qazaqstannyń birneshe qalasynda «saqaldylardyń» salǵan soıqany, teris aǵymdardyń terrorıstik aktileri kýá. Kóptegen qandas baýyrlarymyz teris túsinikterdiń jetegine erip, Taıaý shyǵys elderine ketti», deıdi mamandar.

Osy jáne ózge de ótkir máseleler talqyǵa salynǵan forým sońynda jastardy teris aǵymdardyń qaýpinen saqtandyrý úshin aldyn alý jumysy aıqyndalyp, onyń oryndalý tártibi sheshildi.

Forýmdy ótkizýge JK «Nur­mash», «Aq-Nıet» aqparattyq-nasıhat­taý jáne ońaltý qoǵamdyq qory», Qazaqstan musylmandary dinı basqarmasy, Ońtústik Qazaqstan memlekettik pedagogıkalyq ýnıversıteti, M.Áýezov atyndaǵy Ońtústik Qazaqstan ýnıversıteti qoldaý kórsetti.

 

ShYMKENT

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar