Birlesken joba – bilimge sep

Máselen, Ál-Farabı atyndaǵy Qazaq ulttyq ýnıversıtetinde bıyl­ǵy oqý jylynan bastap Reseıdiń «Máskeý ınjenerlik-fızıkalyq ıns­tıtýty» Ulttyq ıadrolyq zertteý ýnıversıtetiniń fılıaly jumysyn jalǵastyryp jatyr. Birlesken bilim berý jobasy Memleket basshysy Qasym-Jomart Toqaev alǵa qoıǵan Reseı­diń ozyq tehnıkalyq joǵary oqý oryndary fılıaldaryn qurý týraly strategııalyq mindetin oryndaý aıasynda júzege asyrylǵanyn atap ótken jón.

QazUÝ-dyń fızıka-tehnı­ka­lyq fakýlteti bazasynda ashyl­ǵan fılıaldyń qurylýy «Iаdrolyq energetıka jáne tehnologııalar», «Informatıka jáne esepteý tehnıkasy» mamandyqtary boıynsha bilikti kadrlar daıyndap, elde ıadrolyq energetıkanyń damýyna jol ashty. Stýdentter bilikti mamandardan dáris alyp, ınjenerlik bilimderin jetildirip, zamanaýı ǵylymı zerthanalarda taǵylymdamadan ótip, ǵylymmen aınalysýǵa múmkindik aldy.

QazUÝ-da stýdentterdi sapaly oqytý úshin barlyq jaǵ­daı ja­salǵan. Dárishanalar, zert­ha­nalar, kitaphanalar, jataq­hanalar men sport zaldary zamanaýı úlgide jabdyq­talǵan. Al elimizdegi Iаdrolyq fızıka ınstıtýty tájirıbelik sabaqtarǵa arnalǵan alań usynatyn bolady. «MIFI fılıalyn qurý – jýyrda zertteý ýnıversıteti mártebesi berilgen joǵary oqý orny úshin úlken jaýapkershilik. QazUÝ únemi damý satysynda, ol zertteý ýnıversıteti retinde qazaqstandyq ǵylym men bilimdi álemdik deńgeıge kóterýdi maq­sat etedi», deıdi ýnıversıtet bas­shylyǵy.

Al Petropavl qalasynda 155 stýdent AQSh joǵary oqý oryndary baǵdarlamasy boıynsha bilim alyp jatyr. Qos dıplomdyq oqytý baǵdarlamasy Arızona ýnıversıteti (álemniń úzdik 100 joǵary oqý oryndarynyń qata­ryna kiredi) men Qozybaev ýnı­versıteti arasyndaǵy baılanysty nyǵaıta tústi. Oqytý úsh tilde: aǵylshyn, qazaq jáne orys tilderinde júrgiziledi. Stýdentter granttyq negizde bilim alady.

«Jańa joba sheńberinde stý­dentterdiń alǵashqy legi oqyp jatyr. Búginde birlesken baǵdarlama boıynsha bilim alýshylardyń 2 toby bar. Birinshi topta 50-ge jýyq stýdent qos dıplom baǵdarlamasy aıasynda oqýyn jalǵastyryp jatyr. Iаǵnı olar oqýlaryn aıaqta­ǵannan keıin Amerıka ýnıver­sıtetiniń dıplomyn alady. Munda oqytý tek aǵylshyn tilinde. Ekinshi topta 100-ge jýyq stýdent Arızona ýnıversıtetiniń qoldaýymen qurylǵan Qozybaev ýnıversıtetiniń halyqaralyq baǵdarlamasymen oqı­dy. Munda eki dıplom qarastyryl­maǵan, biraq akademııalyq sapa stan­darttary boıynsha qurylǵan baǵ­darlama. Sonymen qatar Arızona ýnıversıteti Petropavl qalasynda sabaq berý úshin shetel­dik professorlardy shaqyrýǵa kómektesedi. Oqytý negizinen mem­lekettik jáne orys tilderinde júrgiziledi», deıdi Qozybaev ýnıversıtetiniń basqarma tór­aǵasy – rektory Erlan Shulanov.

Jalpy, birlesken joba boıynsha óńirge qajetti 10-ǵa jýyq bilim berý baǵyty tańdaldy. Ol: bıotehnologııa, IT, bilim, ınjenerııa salasy. Esterińizge sala keteıik, joba ótken jyly Memleket basshysynyń Qazaqstanda bedeldi sheteldik JOO fılıaldaryn ashý jónindegi tapsyrmasyn iske asyrý maqsatynda qolǵa alyndy. Bul joba jastarǵa elimizden tys jerlerge shyqpaı-aq sheteldik bilim alýǵa múmkindik beredi. Sondaı-aq talantty jastardyń qataryn arttyryp, óńirdi bilikti kadrlarmen qamtamasyz etýge yqpal etedi.

Atyraýda 73 stýdent I.M.Gýb­kın atyndaǵy Reseı memlekettik munaı jáne gaz ýnıversıtetiniń (Ulttyq zertteý ýnıversıteti) baǵdarlamasy boıynsha bilim alyp jatyr. Atalǵan oqý ordasy kóptegen onjyldyq boıy álemniń 100-den astam eline munaı-gaz salasynyń mamandaryn daıarlap keledi. JOO túlekteri óz elderiniń jetekshi kompanııalarynda eń joǵary laýazymdarǵa ıe.

Qazirgi ýaqytta ýnıversıtet bakalavrıat, magıstratýra jáne aspırantýra baǵdarlamalary boıynsha oqytýdy jáne maqsatty baǵyttar boıynsha qabyldaýdy júzege asyrady, sondaı-aq daıyndyq kýrs­tary, doktorantýra jáne 250-den astam qosymsha kásiptik bilim berý baǵdarlamalary bar. Stýdentterdi oqytý bakalavrlardy daıarlaýdyń 19 baǵyty, magıstrlerdi daıarlaýdyń 11 ba­ǵyty jáne 3 mamandyq boıynsha júrgiziledi. Aspırantýrada ǵylymı-pedagogıkalyq kadrlardy daıarlaýdyń 17 baǵdarlamasy iske asyrylyp otyr. Sheteldik ýnıversıtettermen birlesip ma­gıs­tratýranyń 6 bilim berý baǵ­dar­­lamasy júzege asyp otyrǵa­nyn atap ótken jón.